സിക്‌സ് പതിച്ചത് കുട്ടിയുടെ ദേഹത്ത്, രോഹിത്തിന്റെ ശ്രദ്ധ ക്ഷണിച്ച് ബെയര്‍സ്‌റ്റോ

ഇന്ത്യ-ഇംഗ്ലണ്ട് ഒന്നാം ഏകദിന മത്സരത്തിനിനിടെ ഇന്ത്യന്‍ നായകന്‍ രോഹിത് ശര്‍മ്മ പായിച്ച സിക്‌സര്‍ പതിച്ചത് കുട്ടിയുടെ ദേഹത്ത്. വില്ലിക്കെതിരെ അഞ്ചാം ഓവറിലെ മൂന്നാം പന്തില്‍ രോഹിത് നേടിയ സിക്സാണ് ആശങ്കകള്‍ക്ക് വഴിവെച്ചത്.

വില്ലിയുടെ ഷോര്‍ട്ട് ബോളില്‍ അനാസായം 79 മീറ്റര്‍ സിക്സാണ് രോഹിത് പറത്തിയത്. എന്നാല്‍ പന്ത് ചെന്ന് പതിച്ചത് കുട്ടിയുടെ ദേഹത്താണെന്നത് രോഹിത് അറിഞ്ഞില്ല. ജോണി ബെയര്‍സ്‌റ്റോയാണ് രോഹിത്തിന് അരികെ എത്തി ഗ്യാലറിയിലേക്ക് ശ്രദ്ധ ക്ഷണിച്ചത്. പിന്നീട് അല്‍പ്പനേരം മൈതാനത്ത് ആശങ്ക തളംകെട്ടി.

കുട്ടിക്ക് പരിക്കേറ്റത് ശ്രദ്ധയില്‍പ്പെട്ടതോടെ ഉടനെ ബൗണ്ടറി ലൈനിന് അരികില്‍ ഉണ്ടായിരുന്ന ഇംഗ്ലണ്ടിന്റെ ഫിസിയോ ടീമിനെ അയക്കുകയും ചെയ്തു. ശേഷമാണ് കളി പുനഃരാരംഭിച്ചത്.

മത്സരത്തില്‍ ടോസ് നഷ്ടപ്പെട്ട് ബാറ്റിംഗിനിറങ്ങിയ ഇംഗ്ലണ്ട് വെറും 111 റണ്‍സാണ് വിജയലക്ഷ്യമായി ഇന്ത്യക്കു മുന്നില്‍ വച്ചത്. ജസ്പ്രീത് ബുംറയുടെ മാജിക്കല്‍ ബോളിംഗായിരുന്നു ഇംഗ്ലണ്ടിനെ തരിപ്പണമാക്കിയത്. 7.2 ഓവറില്‍ മൂന്നു മെയ്ഡനടക്കം 19 റണ്‍സ് മാത്രം വിട്ടുകൊടുത്ത് 6 വിക്കറ്റാണ് ബുംറ വീഴ്ത്തിയത്. മൂന്നു വിക്കറ്റുകളെടുത്ത മുഹമ്മദ് ഷമി അദ്ദേഹത്തിനു മികച്ച പിന്തുണയേകി. പ്രസിദ്ധ് കൃഷ്ണയ്ക്കു ഒരു വിക്കറ്റും ലഭിച്ചു.

മറുപടി ബാറ്റിംഗില്‍ തുടക്കത്തിലെ കുറച്ച് ഓവറുകളില്‍ റണ്ണെടുക്കാന്‍ വിഷമിച്ചെങ്കിലും പിന്നീട് രോഹിത്- ശിഖര്‍ ധവാന്‍ ജോടി കത്തിക്കയറി. 18.4 ഓവറില്‍ തന്നെ ഇന്ത്യ വിജയറണ്‍ കുറിച്ചു രോഹിത് 76ഉം ധവാന്‍ 31ഉം റണ്‍സെടുത്തു.

Latest Stories

ഇസ്രയേൽ- ഇറാൻ സംഘർഷം കടുക്കുന്നു; ഇറാനിൽ 45 മരണം, നൂറിലേറെ പേർക്ക് പരിക്ക്

ഭാഗ്യം കൊണ്ട് സിനിമയിൽ എത്തി, എഞ്ചിനീയറിങ് എന്തിനാണ് പഠിച്ചതെന്ന് ഇപ്പോഴും ഉറപ്പില്ല : നിവിൻ പോളി

ഞങ്ങളോട് മാത്രം എന്തിനീ അവ​ഗണന, ഇത് സങ്കടപ്പെടുത്തുന്ന കാര്യം, മാധ്യമങ്ങൾക്ക് മുൻപിൽ വികാരഭരിതനായി എയ്ഞ്ചലോ മാത്യൂസ്

അവിശ്വസനീയം, ക്രിക്കറ്റിൽ ആദ്യമായി മൂന്ന് സൂപ്പർ ഓവറുകൾ, ചരിത്രം എഴുതിയ മത്സരം നടന്നത് ഈ ടീമുകൾ തമ്മിൽ

നിലമ്പൂരിൽ പരസ്യപ്രചാരണം ഇന്ന് അവസാനിക്കുന്നു; കൊട്ടിക്കലാശത്തിനൊരുങ്ങി സ്ഥാനാർത്ഥികൾ

സഞ്ജു സാംസൺ ചെന്നൈ സൂപ്പർ കിങ്സിലേക്ക്? എന്നാൽ ക്യാപ്റ്റൻ പദവി ലഭിക്കില്ല; റിപ്പോട്ടുകൾ ഇങ്ങനെ

രവിചന്ദ്രൻ അശ്വിൻ ചെയ്തത് ഞെട്ടിക്കുന്ന പ്രവർത്തി; താരത്തിനെതിരെ പരാതി നൽകി എതിർ ടീം

ക്രിക്കറ്റ് ലോകത്തെ ഞെട്ടിച്ച് ദിഗ്‌വേഷ് രതി; താരം നേടിയ നേട്ടത്തിൽ ആരാധകർക്ക് ഷോക്ക്

ഇറാനില്‍ ഇസ്രായേല്‍ ആക്രമണം നടത്തിയതായി റിപ്പോര്‍ട്ടുകള്‍; ആക്രമണം ജനങ്ങളോട് ഒഴിയാന്‍ ആവശ്യപ്പെട്ടതിന് പിന്നാലെ

എം സ്വരാജ് നിലകൊള്ളുന്നത് മത സൗഹാര്‍ദ്ദത്തിന് വേണ്ടി; പ്രസ്ഥാനത്തെ വഞ്ചിച്ച വ്യക്തിക്ക് മറുപടി നല്‍കാനുള്ള അവസരമാണ് ഉപതിഞ്ഞെടുപ്പെന്ന് എംഎ ബേബി