ഇന്ത്യൻ ക്രിക്കറ്റിലെ വണ്ടർ കിഡ് എന്നാണ് ഇപ്പോൾ യുവ താരം വൈഭവ് സൂര്യവൻഷിയെ ആരാധകർ വിശേഷിപ്പിക്കുന്നത്. 14 വയസ് പ്രായമുള്ള താരം ഇന്ത്യക്കായി വെടിക്കെട്ട് പ്രകടനമാണ് നാളുകൾ ഏറെയായി നടത്തി വരുന്നത്. ഇപ്പോൾ കഴിഞ്ഞ അണ്ടർ 19 ലോകകപ്പിൽ വിജയ കിരീടം ചൂടാൻ സാധിച്ചത് താരത്തിന്റെ മിന്നും പ്രകടനത്താലാണ്.
ഇപ്പോഴിതാ 14 വയസ്സുകാരനായ വൈഭവ് താൻ കണ്ടിട്ടുള്ളതിൽ വെച്ച് ഏറ്റവും മികച്ച യുവതാരമാണെന്ന് പറഞ്ഞിരിക്കുകയാണ് ഇംഗ്ലണ്ട് താരം ജോസ് ബട്ലർ. അണ്ടർ 19 ലോകകപ്പ് ഫൈനലിൽ ഇന്ത്യയ്ക്ക് വേണ്ടി വൈഭവ് മികച്ച പ്രകടനം കാഴ്ചവെച്ചതിന് പിന്നാലെയാണ് ബട്ലർ ‘ഫോർ ദി ലവ് ഓഫ് ക്രിക്കറ്റ്’ എന്ന പോഡ്കാസ്റ്റിൽ വാചാലനായത്.
‘ഞാന് കണ്ടിട്ടുള്ളതില് വച്ച് ഏറ്റവും മികച്ച കളിക്കാരനാണ് വൈഭവ്. 14 വയസ് മാത്രമുള്ളപ്പോഴാണ് വൈഭവ് ഇങ്ങനെ ബാറ്റ് ചെയ്യുന്നത്. മാറ്റാരെങ്കിലും ഈ പ്രായത്തില് ഇത്തരത്തില് ബാറ്റ് ചെയ്യുന്നത് കണ്ടിട്ടുണ്ടോ? 14 വയസില് ഇതാണ് ബാറ്റിങ് എങ്കില് 16, 18, 20 വയസൊക്കെ എത്തുമ്പോള് അദ്ദേഹം ഏങ്ങനെയായിരിക്കും ബാറ്റ് വീശുക. ആലോചിച്ചു നോക്കു’ ബട്ലർ പറഞ്ഞു.