2025 ഏഷ്യാ കപ്പിലെ കലാശ പോരാട്ടത്തിൽ ടോസ് ജയിച്ച് ഇന്ത്യ. ടോസ് നേടിയ ഇന്ത്യൻ നായകൻ സൂര്യകുമാർ യാദവ് ബോളിംഗ് തിരഞ്ഞെടുത്തു. ഇന്ത്യൻ നിരയിൽ സൂപ്പർ ഓൾറൗണ്ടർ കളിക്കുന്നില്ല എന്നതാണ് ഞെട്ടിക്കുന്ന കാര്യം. പരിക്കാണ് താരത്തിന് തിരിച്ചടിയായത്. പകരം റിങ്കു സിംഗ് ടീമിലേക്ക് എത്തി.
ജസ്പ്രീത് ബുംറ ടീമിലേക്ക് തിരിച്ചെത്തിയപ്പോൾ അർഷ്ദീപ് സിംഗ്, ഹർഷിദ് റാണ എന്നിവർ പുറത്തായി. ബാറ്റിംഗ് ഡെപ്ത്തിൽ വേരൂന്നിയാണ് ഇന്ത്യയുടെ പ്ലെയിംഗ് ഇലവൻ. ഹാർദ്ദിക്കിന്റെ അസാന്നിധ്യത്തിൽ അർഷ്ദീപ് ടീമിലെത്തുമെന്ന് പ്രതീക്ഷിച്ചെങ്കിലും അതുണ്ടായില്ല. പാക് ടീമിൽ മാറ്റമില്ല.
ഇന്ത്യ പ്ലേയിംഗ് ഇലവൻ: അഭിഷേക് ശർമ, ശുഭ്മാൻ ഗിൽ, സൂര്യകുമാർ യാദവ് (സി), തിലക് വർമ്മ, സഞ്ജു സാംസൺ (ഡബ്ല്യു), ശിവം ദുബെ, റിങ്കു സിംഗ്, അക്സർ പട്ടേൽ, കുൽദീപ് യാദവ്, ജസ്പ്രീത് ബുംറ, വരുൺ ചക്രവർത്തി
പാകിസ്ഥാൻ പ്ലേയിംഗ് ഇലവൻ: സാഹിബ്സാദ ഫർഹാൻ, ഫഖർ സമാൻ, സയിം അയൂബ്, സൽമാൻ ആഗ, ഹുസൈൻ തലാത്, മുഹമ്മദ് ഹാരിസ്, മുഹമ്മദ് നവാസ്, ഫഹീം അഷ്റഫ്, ഷഹീൻ അഫ്രീദി, ഹാരിസ് റൗഫ്, അബ്രാർ അഹമ്മദ്