തന്റെ കുഞ്ഞിന്റെ ജനനം ഇന്ത്യന് നായകന് വിരാട് കോഹ്ലിക്ക് ഓസ്ട്രേലിയയില് ആക്കാമായിരുന്നു എന്ന് ഓസീസ് മുന് ക്യാപ്റ്റന് അലന് ബോര്ഡര്. അങ്ങനെയെങ്കില് കോഹ്ലിയുടെ കുഞ്ഞിനെ ഓസ്ട്രേലിയന് എന്ന് ഞങ്ങള്ക്ക് വിളിക്കാമായിരുന്നു എന്നും അലന് ബോര്ഡര് പറഞ്ഞു.
“കോഹ്ലി കളിക്കുന്ന വിധം എനിക്ക് ഇഷ്ടമാണ്. ഞാന് അദ്ദേഹത്തിന്റെ ആരാധകനാണ്. സ്ലീവിനുള്ളിലാണ് കോഹ്ലി തന്റെ ഹൃദയം വെച്ചിരിക്കുന്നത്. കോഹ്ലിയുടെ ആക്രമണോത്സുകതയും, ക്രിക്കറ്റിനോടുള്ള അഭിനിവേഷവും ഞാന് ഇഷ്ടപ്പെടുന്നു. ഏറെ പ്രത്യേകതയുള്ള കളിക്കാരനും പുതിയ ഇന്ത്യയുടെ ഭാഗവുമാണ് അവന്. അങ്ങനെയാണ് ഞാന് കോഹ്ലിയെ നോക്കി കാണുന്നത്.”
ഓസീസിനെതിരാ ടെസ്റ്റ് പരമ്പരയില് ആദ്യ ടെസ്റ്റില് മാത്രമാവും കോഹ്ലി ഇന്ത്യയെ നയിക്കുക.ആദ്യ ടെസ്റ്റിന് ശേഷം തന്റെ ആദ്യ കുഞ്ഞിനെ വരവേല്ക്കുന്നതിനായി കോഹ്ലി നാട്ടിലേക്ക് മടങ്ങും. ശേഷിക്കുന്ന മല്സരങ്ങളില് രോഹിതായിരിക്കും ടീമിന്റെ നായകന്.