ഞായറാഴ്ച നടന്ന ഐസിസി ടി20 ലോകകപ്പ് 2022 ഫൈനലിൽ പാക്കിസ്ഥാന്റെ തോൽവി നിലവിലെ ക്രിക്കറ്റ് താരങ്ങളും മുൻ ക്രിക്കറ്റ് താരങ്ങളും തമ്മിലുള്ള വാക് പോരിലേക്ക് നയിച്ചു. ഇംഗ്ലണ്ട് ജയിച്ചതോടെ സെമി ഫൈനൽ തോൽവിക്ക് ട്രോളുകൾ ഏറ്റുവാങ്ങിയ ഇന്ത്യൻ ആരാധകർ ട്രോളുകളുമായി രംഗത്ത് വരുകയും ചെയ്തു എന്നതാണ് ശ്രദ്ധിക്കേണ്ടത്.
മത്സരത്തിന് ശേഷം ശേഷം ഷോയിബ് അക്തർ ട്വിറ്ററിൽ ഒരു ‘ഹൃദയം തകർന്ന രീതിയിൽ ഉള്ള ’ ഇമോജി പോസ്റ്റ് ചെയ്തു. “ക്ഷമിക്കണം സഹോദരാ, ഇതിനെ കർമ്മ എന്ന് വിളിക്കുന്നു” എന്നായിരുന്നു ഷമി അതിന് മറുപടി നൽകിയത്.
മുൻ ക്യാപ്റ്റൻ ഷാഹിദ് അഫ്രീദിയുമായി സാമ ടിവി ചർച്ച ചെയ്തതിനാൽ ഷമിയുടെ ട്വീറ്റ് പാക് മാധ്യമങ്ങൾ ചർച്ചയിൽ മുന്നോട്ട് വെക്കുകയും ചെയ്തു- “ഞങ്ങൾ ക്രിക്കറ്റ് താരങ്ങളാണ്, ഞങ്ങൾ അംബാസഡർമാരും റോൾ മോഡലുകളുമാണ്. ഇങ്ങനെ ഉള്ള ട്വീറ്റുകൾ ഞങ്ങൾ ഒരിക്കലും എഴുതാൻ പാടില്ല.”
വിദ്വേഷം വളർത്തുന്ന കാര്യങ്ങൾ ചെയ്യരുത്. അത്തരം കാര്യങ്ങൾ ചെയ്താൽ നമ്മൾ ചെയ്താൽ മറ്റുള്ളവരിൽ നിന്ന് നമുക്ക് എന്ത് പ്രതീക്ഷിക്കാം. സ്‌പോർട്‌സിലൂടെ ഞങ്ങളുടെ ബന്ധങ്ങൾ മെച്ചപ്പെടുന്നു. ഞങ്ങൾ അവരോടൊപ്പം കളിക്കാൻ ആഗ്രഹിക്കുന്നു, അവർ പാകിസ്ഥാനിൽ കളിക്കുന്നത് കാണാൻ ഞങ്ങൾ ഇഷ്ടപെടുന്നു ,” അഫ്രീദി ചർച്ചയിൽ പറഞ്ഞു.
” വിരമിച്ചാൽ പോലും നിങ്ങൾ ഇങ്ങനെ ചെയ്യാൻ പാടില്ല, അപ്പോൾ നിലവിൽ കളിക്കുന്നവരാണെങ്കിൽ ഒട്ടും പ്രോത്സാഹിപ്പിക്കാൻ പാടില്ല.”
എന്തായാലും ഷമിയുടെ ട്വീറ്റിന് അതിരൂക്ഷ പ്രതികരണമാണ് പാകിസ്ഥാനിൽ നിന്ന് ലഭിക്കുന്നത്.