ഓസ്ട്രേലിയന് ടി20 ക്യാപ്റ്റന് ആരോണ് ഫിഞ്ച് അന്താരാഷ്ട്ര ക്രിക്കറ്റില്നിന്ന് വിരമിക്കല് പ്രഖ്യാപിച്ചു. കഴിഞ്ഞ വര്ഷം ഏകദിന ക്രിക്കറ്റില് നിന്നും വിരമിച്ച ഫിഞ്ച് ടെസ്റ്റില് നിന്നും നേരത്തെ വിരമിച്ചിരുന്നു. ഇതോടെ മഞ്ഞക്കുപ്പായത്തിലെ ഫിഞ്ചിന്റെ രാജ്യാന്തര കരിയറിന് തിരശ്ശീല വീണു.
2024 ടി20 ലോകകപ്പ് വരെ താന് കളി തുടരാന് സാധ്യതയില്ലാത്തതിനാലും ഓസ്ട്രേലിയക്ക് അടുത്തൊന്നും ടി20 പരമ്പര കളിക്കേണ്ടതില്ലാത്തതിനാലും വിരമിക്കാനുള്ള ശരിയായ സമയം ഇതാണെന്ന് ഫിഞ്ച് പറഞ്ഞു. തന്റെ കുടുംബാംഗങ്ങള്ക്കും പ്രത്യേകിച്ച് ഭാര്യ ആമിക്കും ക്രിക്കറ്റ് വിക്ടോറിയക്കും ക്രിക്കറ്റ് ഓസ്ട്രേലിയക്കും ഓസ്ട്രേലിയന് ടീമിലെ സഹതാരങ്ങള്ക്കും നന്ദി പറയുന്നുവെന്നും ഫിഞ്ച് പറഞ്ഞു.
2021ലെ ടി20 ലോകകപ്പ് ജയവും 2015ല് നാട്ടില് നടന്ന ഏകദിന ലോകകപ്പില് കിരീടം നേടിയതുമാണ് കരിയറിലെ അവിസ്മരണീയ മുഹൂര്ത്തങ്ങളെന്നും ഫിഞ്ച് വ്യക്തമാക്കി. രാജ്യാന്തര ടി20യില് നിന്ന് വിരമിച്ചുവെങ്കിലും മെല്ബണ് റെനെഗെഡ്സ് ആഗ്രഹിക്കുന്നുവെങ്കില് ബിഗ് ബാഷില് തുടര്ന്നും കളിക്കുമെന്ന് ഫിഞ്ച് പറഞ്ഞു.
ടി20 ക്രിക്കറ്റില് ഓസ്ട്രേലിയക്കായി ഏറ്റവും കൂടുതല് റണ്സടിച്ച താരമാണ് ഫിഞ്ച്. 34.28 ശരാശരിയില് 142.53 പ്രഹരശേഷിയില് 3120 റണ്സാണ് ടി20 ക്രിക്കറ്റില് ഓസ്ട്രേലിയക്കായി ഫിഞ്ച് അടിച്ചെടുത്തത്. 2018ല് ഫിഞ്ച് സംബാബ്വെക്കെതിരെ നേടിയ 172 റണ്സാണ് ഇപ്പോഴും രാജ്യാന്തര ടി20യിലെ ഏറ്റവും ഉയര്ന്ന വ്യക്തിഗത സ്കോര്. 2013ല് ഇംഗ്ലണ്ടിനെതിരായ ടി20യില് ഫിഞ്ച് 156 റണ്സടിച്ചിട്ടുണ്ട്.