പുതിയ അന്താരാഷ്ട്ര ക്രിക്കറ്റ് കൗൺസിൽ ചെയർമാനായി ജയ് ഷാ തിരഞ്ഞെടുക്കപ്പെട്ടു എന്ന വാർത്തയാണ് ക്രിക്കറ്റ് ലോകത്ത് ഇപ്പോൾ തരംഗം. ഐസിസിയുടെ ചെയർമാനായി തിരഞ്ഞെടുക്കപ്പെടുന്ന മൂന്നാമത്തെ ഇന്ത്യക്കാരനാണ് ജയ് ഷാ. ഏറ്റവും പ്രായം കുറഞ്ഞ ഐസിസി ചെയർമാൻ എന്ന നേട്ടം ഇതോടെ ജയ് ഷാ സ്വന്തമാക്കി കഴിഞ്ഞു.
ഐസിസിൽ 16 അംഗങ്ങളാണുള്ളത്. അതിൽ 15 പേരുടെയും പിന്തുണ ജയ് ഷായ്ക്ക് ലഭിച്ചിരുന്നു. സാധാരണ കണ്ട് വരുന്നത് പോലെ ഇത്തവണ തിരഞ്ഞെടുപ്പ് നടത്താതെ ഡയറക്ടറ് ആയിട്ടാണ് ചെയർമാനെ തിരഞ്ഞെടുത്തത്. ജയ് ഷായുടെ പുതിയ നേട്ടത്തിൽ ഒരുപാട് ഇന്ത്യൻ ക്രിക്കറ്റ്റേഴ്സും, മറ്റു പ്രമുഖരും അഭിനന്ദിച്ച് സമൂഹ മാധ്യമങ്ങളിൽ ട്വീറ്റ് ഇട്ടിരുന്നു. എന്നാൽ പ്രശസ്ത സിനിമ താരം പ്രകാശ് രാജ്, ജയ് ഷായെ പരിഹസിച്ച് രംഗത്ത് എത്തിയിരിക്കുകയാണ്. അദ്ദേഹത്തിന്റെ വാക്കുകൾ ഇപ്പോൾ സമൂഹ മാധ്യമങ്ങൾ ഏറ്റെടുത്തിരിക്കുകയാണ്.
ഇന്ത്യ കണ്ടതിൽ വെച്ച് ഏറ്റവും മികച്ച ഇതിഹാസ ഓൾറൗണ്ടറിന് വേണ്ടി എഴുന്നേറ്റ് നിന്ന് കൈയടി കൊടുക്കാം എന്ന് പറഞ്ഞാണ് അദ്ദേഹം വിമർശിച്ചത്. ബിജെപി സഖ്യത്തിനോട് പൂർണമായി എതിർപ്പ് പ്രകടിപ്പിച്ച് ഒരുപാട് തവണ രംഗത്ത് എത്തിയിരുന്ന താരമാണ് പ്രകാശ് രാജ്. അത് കൊണ്ട് തന്നെ ജയ് ഷായെ പരിഹസിച്ചത് മൂലം ബിജെപി പ്രവർത്തകർ പ്രകാശ് രാജിനെ സമൂഹ മാധ്യങ്ങളിലൂടെ വേട്ടയാടുകയാണ്. പക്ഷെ താരത്തിനെ അനുകൂലിച്ച് ഒരുപാട് ആരാധകർ രംഗത്ത് എത്തുന്നുണ്ട്.
