കുവൈറ്റില്‍ ഇന്നലെ 919 പേര്‍ക്ക് കൂടി കോവിഡ് സ്ഥിരീകരിച്ചു. രോഗബാധ കണ്ടെത്തിയവരില്‍ 549 പേര്‍ സ്വദേശികളും 370 പേര്‍ വിദേശികളുമാണ്. ഒരാളാണ് ഇന്നലെ മരിച്ചത്. ഇതോടെ രാജ്യത്തെ കോവിഡ് മരണസംഖ്യ 359 ആയി.
24 മണിക്കൂറിനിടെ 675 പേര്‍ രോഗമുക്തി നേടി. ഇതോടെ രാജ്യത്ത് രോഗബാധ സ്ഥിരീകരിച്ച 47,859 പേരില്‍ 38,390 പേരും രോഗവിമുക്തരായി. നിലവില്‍ 9110 പേരാണ് ചികിത്സയിലുള്ളത്. ഇതില്‍ 142 പേര്‍ തീവ്ര പരിചരണവിഭാഗത്തിലാണ്. അഹമ്മദിയിലും, ജഹറയിലുമാണ് ഇന്നലെ കൂടുതല്‍ കോവിഡ് കേസുകള്‍ റിപ്പോര്‍ട്ട് ചെയ്തത്.
കഴിഞ്ഞ 24 മണിക്കൂറിനുള്ളില്‍ 4312 പേരെ കോവിഡ് ടെസ്റ്റിന് വിധേയമാക്കി. രാജ്യത്ത് ഇതുവരെ 395349 കോവിഡ് ടെസ്റ്റുകള്‍ നടത്തിയതായും ആരോഗ്യമന്ത്രാലായം അറിയിച്ചു.