ഒമൈക്രോണ്‍: ഉപവകഭേദത്തില്‍ ആശങ്ക, ജാഗ്രതാനിര്‍ദ്ദേശവുമായി ഡബ്ല്യു.എച്ച്.ഒ

കോവിഡ് മൂന്നാം തരംഗത്തിന്റെ തീവ്രത കുറഞ്ഞുവരുന്നതായി ലോകാരോഗ്യ സംഘടന (ഡബ്ല്യു.എച്ച്.ഒ). മൂന്നാം തരംഗംത്തില്‍ അതിവേഗം പടര്‍ന്നുപിടിച്ച ഒമൈക്രോണ്‍ വകഭേദത്തിന്റെ വ്യാപനം കുറയുന്നുണ്ട്. എന്നാല്‍ ഒമൈക്രോണിന്റെ ഉപവകഭേദവുമായി ബന്ധപ്പെട്ട് ആശങ്ക നിലനില്‍ക്കുന്നതായി ഡബ്ല്യു.എച്ച്.ഒ അറിയിച്ചു. പല രാജ്യങ്ങളും കോവിഡ് നിയന്ത്രണങ്ങള്‍ നീക്കം ചെയ്ത് തുടങ്ങിയ സാഹചര്യത്തിലാണ് ഡബ്ല്യു.എച്ച്.ഒ മുന്നറിയിപ്പുമായി എത്തിയത്.

കൊറോണ വൈറസിന് രൂപാന്തരം സംഭവിച്ചുകൊണ്ടിരിക്കുകയാണ്. ഒമൈക്രോണിന് നിരവധി ഉപവകഭേദങ്ങളുണ്ട്. ഇതിനെ കുറിച്ച് പഠനങ്ങള്‍ നടക്കുകയാണ്. BA.1, BA.1.1, BA.2, BA.3 എന്നീ ഉപ വകഭേദങ്ങളാണ് കണ്ടെത്തിയിരിക്കുന്നത്. ഡെല്‍റ്റയെ മറികടന്ന് ലോകമെമ്പാടും ഒമൈക്രോണ്‍ വകഭേദം വ്യാപിച്ചത് അവിശ്വസനീയമാണെന്ന് ഡബ്ല്യു.എച്ച്.ഒ കോവിഡ് സാങ്കേതിക മേധാവി മരിയ വാന്‍ കെര്‍ഖോവ് പറഞ്ഞു.

BA.1 ഉപവകഭേദമാണ് കൂടുതലായും കാണുന്നത്. എന്നാല്‍ BA.2 ന്റെ സാന്നിദ്ധ്യവും വര്‍ദ്ധിക്കുകയാണ്. ഈ ഉപവകഭേദത്തിന് വ്യാപനശേഷി കൂടുതലാണെന്ന് അവര്‍ പറഞ്ഞു. എന്നാല്‍ BA. 2 ഉപവകഭേദം BA.1 നേക്കാള്‍ മാരകമാണെന്നതിന് തെളിവുകളൊന്നും ഇല്ലെന്ന് കെര്‍ഖോവ് വ്യക്തമാക്കി. ഈ വകഭേദങ്ങളെ നിരീക്ഷിച്ച് വരികയാണ്. ഒമൈക്രോണിന് ഡെല്‍റ്റയേക്കാള്‍ തീവ്രത കുറവാണെങ്കിലും ജാഗ്രത പാലിക്കണമെന്ന് അവര്‍ പറഞ്ഞു.

കഴിഞ്ഞയാഴ്ച മാത്രം കോവിഡ് ബാധ മൂലം 75,000 മരണങ്ങള്‍ റിപ്പോര്‍ട്ട് ചെയ്യപ്പെട്ടതായി ഡബ്ല്യു.എച്ച്.ഒ പറഞ്ഞു. കണക്കുകള്‍ പ്രകാരം ലോകമെമ്പാടും രേഖപ്പെടുത്തിയിരിക്കുന്ന അഞ്ച് പുതിയ ഒമൈക്രോണ്‍ കേസുകളില്‍ ഒന്ന് BA.2 ആണ്.

കഴിഞ്ഞ രണ്ടാഴ്ചയ്ക്കിടെ, അര്‍മേനിയ, അസര്‍ബൈജാന്‍, ബെലാറസ്, ജോര്‍ജിയ, റഷ്യ, ഉക്രെയ്ന്‍ എന്നിവിടങ്ങളില്‍ കോവിഡ് കേസുകള്‍ ഇരട്ടിയിലധികമായതായി ഡബ്ല്യു.എച്ച്.ഒ യൂറോപ്പ് റീജിയണല്‍ ഡയറക്ടര്‍ ഹാന്‍സ് ക്ലൂഗെ പറഞ്ഞു. ഈ സാഹചര്യത്തില്‍ വാക്‌സിനേഷന്‍ വേഗത്തിലാക്കാന്‍ ഡബ്ല്യു.എച്ച്.ഒ നിര്‍ദ്ദേശം നല്‍കി.

നിയന്ത്രണങ്ങള്‍ പിന്‍വലിക്കുന്നതില്‍ മിതത്വം പാലിക്കണമെന്ന് ഡബ്ല്യുഎച്ച്ഒ ഹെല്‍ത്ത് എമര്‍ജന്‍സീസ് പ്രോഗ്രാം എക്‌സിക്യുട്ടീവ് ഡയറക്ടര്‍ മൈക്ക് റയാന്‍ അറിയിച്ചു.

Latest Stories

കേന്ദ്രസര്‍ക്കാറിന്റെ ഭാഷയില്‍ സുപ്രീംകോടതിയും സംസാരിക്കുന്നു; റോഹിങ്ക്യകളെ ഇന്ത്യ മ്യാന്മാര്‍ കടലില്‍ ഇറക്കി വിട്ടത് ഞെട്ടിച്ചു; ആഞ്ഞടിച്ച് പ്രശാന്ത് ഭൂഷണ്‍

ഭീകരവാദവും ഭിക്ഷാടനവും, മുന്‍പന്തിയില്‍ പാകിസ്ഥാന്‍ തന്നെ; പാക് പൗരന്മാര്‍ക്ക് ഇനി യുഎഇയില്‍ വിസ ലഭിക്കുക അതികഠിനം; പാക് ഭിക്ഷാടകരുടെ കണക്കുകള്‍ പുറത്ത്

തുര്‍ക്കി ഫാഷന്‍ ഇന്ത്യയില്‍ വേണ്ട; വസ്ത്രങ്ങളിലും തിരിച്ചടി നല്‍കി ഇന്ത്യന്‍ കമ്പനികള്‍; മിന്ത്ര-അജിയോ സൈറ്റുകള്‍ തുര്‍ക്കി ഉത്പന്നങ്ങള്‍ ഒഴിവാക്കി

LSG VS SRH: നിന്റെ ശമ്പളം മറന്നേക്ക്, തോൽവിക്ക് ഞാൻ എന്തിന് പൈസ തരണം; വീണ്ടും ഫൊപ്പായി ഋഷഭ് പന്ത്

പാലക്കാട് വീണ്ടും കാട്ടാന ആക്രമണം; ടാപ്പിംഗ് തൊഴിലാളിയ്ക്ക് ദാരുണാന്ത്യം

LSG VS SRH: വണ്ടിയിൽ കൊള്ളിക്കാതെടാ, പന്ത് വാവ ഉണ്ടാക്കുന്ന ചിലവ് തന്നെ സഹിക്കാൻ വയ്യ; ലക്‌നൗവിന് ഗംഭീര തുടക്കം

പ്രതിനിധി സംഘത്തിനൊപ്പം ആദ്യം പോകുന്നത് ഗയാനയിലേക്ക്; ഒടുവില്‍ അമേരിക്കയിലേക്ക്, പ്രതികരണവുമായി ശശി തരൂര്‍

ഇത് വീഴ്ചയല്ല, കുറ്റകൃത്യമാണ്; ജയശങ്കറിന്റേത് വിനാശകരമായ മൗനം'; പാകിസ്ഥാനെ അറിയിച്ച് നടത്തിയ ആക്രമണത്തില്‍ ഇന്ത്യക്ക് എത്ര യുദ്ധവിമാനങ്ങള്‍ നഷ്ടമായി?; ചോദ്യം ആവര്‍ത്തിച്ച് രാഹുല്‍ ഗാന്ധി

ഇഡി ഉദ്യോഗസ്ഥരെല്ലാം ഹരിശ്ചന്ദ്രന്‍മാരാണെന്ന അഭിപ്രായമില്ല; ഇഡിയിലുള്ളത് അധികവും സഖാക്കളെന്ന് കെ സുരേന്ദ്രന്‍

IPL 2025: അവനെ ഇനി കൊല്‍ക്കത്തയ്ക്ക് വേണ്ട, അടുത്ത ലേലത്തില്‍ കൈവിടും, ഇങ്ങനെ പോയാല്‍ ശരിയാവില്ല, ടീമിന് ഒരു ഉപകാരവും ഇല്ലാത്തവനായി പോകരുത്