ഇറക്കുമതി തീരുവയ്ക്ക് പിന്നാലെ ഇന്ത്യയ്ക്കും ചൈനയ്ക്കും വീണ്ടും നികുതി ചുമത്താന് യുഎസ്. റഷ്യയുമായുള്ള വ്യാപാര ബന്ധത്തിന്റെ പേരിലാണ് മുന്നറിയിപ്പുമായി അമേരിക്ക രംഗത്തെത്തിയിട്ടുള്ളത്. റഷ്യയില്നിന്ന് ക്രൂഡോയില് വാങ്ങുന്നത് തടയാന് ഇരുരാജ്യങ്ങളില് നിന്നുമുള്ള ഉത്പന്നങ്ങള്ക്ക് 500 ശതമാനം നികുതി ചുമത്താനാണ് യുഎസ് തീരുമാനം.
ഇറക്കുമതി തീരുവയ്ക്ക് പിന്നാലെയുണ്ടായ വ്യാപാര യുദ്ധം അടുത്തിടെയാണ് അവസാനിച്ചത്. ഇതിന് പിന്നാലെ ചൈനയുമായി വ്യാപാരക്കരാര് ഒപ്പിടുകയും ഇന്ത്യയുമായുള്ള കരാര് ചര്ച്ചകള് പുരോഗമിക്കുകയും ചെയ്യുന്നതിനിടെയാണ് പുതിയ നീക്കം. ഇതിനായി സെനറ്റില് ബില്ല് കൊണ്ടുവരുമെന്നാണ് റിപ്പോര്ട്ടുകള്.
പ്രസിഡന്റ് ട്രംപ് ബില്ലിന് പിന്തുണ നല്കിയതായും റിപ്പോര്ട്ടുകളുണ്ട്. റിപ്പബ്ലിക്കന് സെനറ്റര് ലിന്ഡ്സെ ഗ്രഹാം, ഡെമോക്രാറ്റ് സെനറ്റര് റിച്ചാര്ഡ് ബ്രൂമെന്തല് എന്നിവര് ചേര്ന്നാണ് ബില്ല് യുഎസ് സെനറ്റില് കൊണ്ടുവരുന്നത്. യുക്രൈന് യുദ്ധത്തില്നിന്ന് റഷ്യയെ പിന്തിരിപ്പിക്കാന് അവരെ സാമ്പത്തികമായി ഒറ്റപ്പെടുത്തുക എന്ന ഉദ്ദേശത്തിലാണ് ബില്ല്.
ഇന്ത്യയും ചൈനയുമാണ് റഷ്യന് എണ്ണയുടെ 70 ശതമാനവും വാങ്ങുന്നത്. അങ്ങനെയുള്ളവര് യുഎസില് അവരുടെ ഉത്പന്നങ്ങള് വില്ക്കണമെങ്കില് ഉയര്ന്ന നികുതി നല്കുക തന്നെ വേണമെന്ന് ലിന്ഡ്സെ ഗ്രഹാം പറയുന്നു. റഷ്യയില്നിന്ന് ക്രൂഡോയില് വാങ്ങുന്നതിലൂടെ യുക്രൈനെതിരായ യുദ്ധത്തന് ഇന്ത്യയും ചൈനയും റഷ്യയെ സഹായിക്കുകയാണെന്നും സെനറ്റര് ആരോപിച്ചു.