ജി 7 ഉച്ചകോടിക്കിടെ കണ്ടുമുട്ടിയ ഇന്ത്യൻ പ്രധാനമന്ത്രി നരേന്ദ്ര മോദിയും ഇറ്റാലിയൻ പ്രധാനമന്ത്രി ജോർജിയ മെലോണിയും തമ്മിലുള്ള സംഭാഷണം സോഷ്യൽ മീഡിയയിൽ വീണ്ടും വൈറലാകുന്നു. ‘ ഇൻസ്റ്റഗ്രാമിലെ ഏറ്റവും പ്രശസ്തരായ കപ്പിൾസ് നമ്മളാണ് ‘ എന്ന മെലോണിയുടെ തമാശയാണ് സോഷ്യൽ മീഡിയയിൽ ശ്രദ്ധ നേടുന്നത്.
ഫ്രാൻസിലെ എവിയാൻ ലെ ബെയ്നിൽ നടന്ന 2026 ജി7 ഉച്ചകോടിക്കിടെ ലോകനേതാക്കളുടെ ഔദ്യോഗിക ഗ്രൂപ്പ് ഫോട്ടോയ്ക്ക് മുൻപായി മോദിയും മെലോണിയും പരസ്പരം അഭിവാദ്യം ചെയ്തു. ഈ സമയത്ത് മൈക്രോഫോണിൽ പതിഞ്ഞ സംഭാഷണമാണ് പിന്നീട് വൈറലായത്. ‘ഇൻസ്റ്റഗ്രാമിൽ നമ്മളാണ് ഏറ്റവും പ്രശസ്തമായ കപ്പിൾ’ എന്ന് മെലോണി ചിരിച്ചുകൊണ്ട് പറയുന്നത് വീഡിയോയിൽ കേൾക്കാം.
മോദിയുടെയും മെലോണിയുടെയും പേരുകൾ ചേർത്തുള്ള ‘മെലോഡി’ എന്ന ഹാഷ്ടാഗ് 2023 മുതൽ തന്നെ സോഷ്യൽ മീഡിയയിൽ ജനശ്രദ്ധ നേടിയിരുന്നു. ജനപ്രീതി നേടിയിരുന്നു. വിവിധ അന്താരാഷ്ട്ര വേദികളിലെ ഇരുവരുടെയും ചിത്രങ്ങളും സെൽഫികളും സോഷ്യൽ മീഡിയയിൽ വ്യാപകമായി പ്രചരിച്ചതോടെയാണ് ഈ ട്രെന്റിന് തുടക്കം കുറിച്ചത്.
അടുത്തിടെ നടന്ന മറ്റൊരു കൂടിക്കാഴ്ചയിൽ ഇന്ത്യയിൽ ഏറെ ജനപ്രിയമായ ‘മെലഡി’ ടോഫി പ്രധാനമന്ത്രി മോദി സമ്മാനിച്ചതിന്റെ വീഡിയോ മെലോണി തന്റെ സോഷ്യൽ മീഡിയ അക്കൗണ്ടിൽ പങ്കുവെച്ചത്തോടെ ‘മെലോഡി’ ട്രെൻഡ് വീണ്ടും ശക്തമായി. മെലോണിയുടെ ഇൻസ്റ്റഗ്രാം അക്കൗണ്ടിലെ ഏറ്റവും കൂടുതൽ ആളുകൾ കണ്ട വീഡിയോയും ഇതാണ്.