തിരുവനന്തപുരം സ്വദേശിനിയായ മെഡിസിന് വിദ്യാര്ത്ഥിനി ചൈനയില് പനി ബാധിച്ച് മരിച്ചു. കുന്നത്തുകാല് സ്വദേശികളായ അശോകന്-ജയ ദമ്പതികളുടെ മകള് രോഹിണിയാണ് മരിച്ചത്. ചൈന ജീന്സൗ യൂണിവേഴ്സിറ്റിയിലെ അവസാന വര്ഷ മെഡിസിന് വിദ്യാര്ത്ഥിനിയായിരുന്നു രോഹിണി. ഇന്നലെ വൈകുന്നേരത്തോടെയായിരുന്നു കുന്നത്തുകാലിലെ വീട്ടില് മരണ വിവരം അറിഞ്ഞത്.
കേരള-തമിഴ്നാട് അതിര്ത്തിയിലെ തമിഴ്നാട് വാര്ഡിലാണ് രോഹിണിയുടെ വീട് സ്ഥിതി ചെയ്യുന്നത്. ഒരാഴ്ചയായി രോഹിണിയ്ക്ക് പനി ബാധിച്ചിരുന്നു. സ്ഥിരമായി വീട്ടിലേക്ക് വിളിച്ചിരുന്ന പെണ്കുട്ടി കഴിഞ്ഞ ദിവസം അര്ദ്ധരാത്രിയാണ് അവസാനമായി മെസേജ് അയച്ചിരുന്നത്. സുഖമില്ലെന്നും ആശുപത്രിയിലേക്ക് പോകുകയാണെന്നുമായിരുന്നു സന്ദേശം.
തുടര്ന്ന് മാതാപിതാക്കള് രോഹിണിയെ വിളിച്ചപ്പോള് ഫോണ് എടുത്തത് സുഹൃത്തുക്കളായിരുന്നു. അപ്പോഴേക്കും രോഹിണിയെ വെന്റിലേറ്ററിലേക്ക് മാറ്റിയിരുന്നു. വീട്ടില് നിന്നും നാല് പേര് ചൈനയിലേക്ക് പോകാന് തയ്യാറെടുക്കുമ്പോഴായിരുന്നു പെണ്കുട്ടി മരിച്ചതായി വിവരം ലഭിച്ചത്.