കോവിഡ് വൈറസ് രോഗബാധയെ ഭയന്ന് ജനങ്ങൾ പുറത്തിറങ്ങൻ പോലും ഭയപ്പെടുമ്പോൾ ന്യൂസിലാൻഡ് സ്റ്റേഡിയത്തിലെ കാഴ്ച ലോകത്തെ അസൂയപ്പെടുന്നു.
ആയിരക്കണക്കിന് റഗ്ബി ആരാധകർ തിങ്ങിനിറഞ്ഞ ന്യൂസിലാൻഡ് വെല്ലിംഗ്ൺ സ്റ്റേഡിയത്തിൽ നിന്നുളള ദൃശ്യമാണ് സോഷ്യൽ മീഡിയയിൽ വൈറലായിരിക്കുകയാണ്.
ബ്ലെഡിസ്ലോ കപ്പ് ടെസ്റ്റ് മത്സരം കാണുന്നതിനായി മുപ്പതിനായിരത്തോളം ആരാധകരാണ് സ്റ്റേഡിയത്തിലെത്തിയത്. മാസ്ക്കും സാമൂഹിക അകലവും പാലിക്കാതെ കോവി‍ഡിന് മുമ്പത്തെ പോലുള്ള ആരാധകരുടെ വലിയ ചർച്ചയായി കഴിഞ്ഞു.
ഏഴുമാസത്തെ നിയന്ത്രണങ്ങൾക്ക് ഒടുവിൽ ആദ്യമായി നടക്കുന്ന റഗ്ബി മത്സരമാണിതെന്ന് ന്യൂസിലാൻഡ് ഹെറാൾഡ് റിപ്പോർട്ട് ചെയ്യുന്നു. കോവിഡിന്റെ തുടക്കം മുതൽ സർക്കാർ തീർത്ത പ്രതിരോധ മികവിനെ ലോകം വാഴ്ത്തുകയാണ്.
നിരവധി പേർ ന്യൂസിലാൻഡ് പ്രധാനമന്ത്രി ജസീന്ത ആൻേഡണിനെ പ്രകീർത്തിക്കുന്നുമുണ്ട്. ജൂൺ മാസത്തിൽ രാജ്യം കോവിഡിൽ നിന്ന് പൂർണമുക്തി നേടിയെന്ന് ജസീന്ത പ്രഖ്യാപിച്ചിരുന്നു.