യെസ് ബാങ്ക് പ്രതിസന്ധിയുടെ പശ്ചാത്തലത്തിൽ പ്രധാനമന്ത്രി നരേന്ദ്രമോദിയെ രൂക്ഷമായി വിമർശിച്ച് മുതിർന്ന കോൺഗ്രസ് നേതാവ് രാഹുൽ ഗാന്ധി . ഏപ്രില് മൂന്ന് വരെ യെസ് ബാങ്കിനെതിരെയുള്ള നടപടികള്ക്ക് ധനമന്ത്രാലയം മൊറട്ടോറിയം പ്രഖ്യാപിച്ചതിനെ തുടര്ന്ന് റിസര്വ് ബാങ്ക് പിന്വലിക്കല് തുകയില് നിയന്ത്രണം ഏര്പ്പെടുത്തിയിട്ടുണ്ട്. ഇക്കാലയളവില് യെസ് ബാങ്ക് അക്കൗണ്ടില് നിന്ന് ഒരു ദിവസം പരമാവധി പിന്വലിക്കാവുന്ന തുക 50000 രൂപയാക്കി നിയന്ത്രിച്ചു.
അതേസമയം “നോ യെസ് ബാങ്ക്. മോദിയും അദ്ദേഹത്തിന്റെ ആശയങ്ങളും ഇന്ത്യയുടെ സമ്പദ്വ്യവസ്ഥയെ നശിപ്പിച്ചു” എന്ന് രാഹുൽ ഗാന്ധി തന്റെ ട്വിറ്ററിൽ കുറിച്ചു. നോബാങ്ക് എന്ന ഹാഷ്ടാഗും രാഹുൽ ഗാന്ധി ഇതോടൊപ്പം ചേർത്തിട്ടുണ്ട്.