ഓപ്പറേഷന്‍ സിന്ദൂര്‍ അവസാനിച്ചിട്ടില്ലെന്ന് ഓര്‍മ്മിപ്പിച്ച് പ്രധാനമന്ത്രി നരേന്ദ്ര മോദി. പാകിസ്ഥാന് സൈന്യം യുദ്ധം അവസാനിപ്പിക്കാനായി യാചിച്ചെന്നും നരേന്ദ്ര മോദി പറഞ്ഞു. കാണ്‍പുരില്‍ നടന്ന പരിപാടിയില്‍ പങ്കെടുത്ത് സംസാരിക്കുകയായിരുന്നു പ്രധാനമന്ത്രി. ബ്രഹ്‌മോസ് മിസൈല്‍ പാകിസ്ഥാന് ഉറക്കമില്ലാത്ത രാത്രികളാണ് സമ്മാനിച്ചതെന്നും മോദി പറഞ്ഞു.
ഓപ്പറേഷന്‍ സിന്ദൂറില്‍കൂടി ഇന്ത്യയുടെ സൈനികശക്തി ലോകത്തിന് മുമ്പില്‍ പ്രദര്‍ശിപ്പിച്ചു. പാക് ഭീകരവാദ കേന്ദ്രങ്ങളില്‍ കടന്നുചെന്നു. നൂറുകണക്കിന് മൈലുകള്‍ക്കുള്ളിലേക്ക് പോയി ഭീകരവാദികളെ തകര്‍ക്കാന്‍ നമ്മുടെ സായുധസേന ധൈര്യം കാണിച്ചു. പാക് സൈന്യം യുദ്ധം അവസാനിപ്പിക്കാന്‍ യാചിച്ചുവെന്നും പ്രധാനമന്ത്രി അറിയിച്ചു.
ശത്രുക്കളോട് പറയാനുള്ളത് വിഡ്ഢികളാക്കരുത് ഓപ്പറേഷന്‍ സിന്ദൂര്‍ ഇനിയും അവസാനിച്ചിട്ടില്ല. നൂര്‍ ഖാന്‍ വ്യോമതാവളമുള്‍പ്പെടെ ബ്രഹ്‌മോസ് ആക്രമണത്തില്‍ തകര്‍ന്നതായി മേയ് പത്തിന് ഷഹബാസ് ഷെരീഫ് പറഞ്ഞിരുന്നു. ഇന്ത്യ മിസൈലാക്രമണം നടത്തിയതായി പുലര്‍ച്ചെ 2.30 -ന് സൈനികമേധാവി ഫോണിലൂടെ അറിയിച്ചതായി ഷഹബാസ് ഷെരീഫ് വെളിപ്പെടുത്തിയെന്നും മോദി കൂട്ടിച്ചേര്‍ത്തു.
