ഇസ്രായേല്-പാലസ്തീന് സംഘര്ഷം തുടരുന്ന സാഹചര്യത്തില് ഇസ്രായേലില് നിന്ന് 22 മലയാളികള് കൂടി നാട്ടില് തിരിച്ചെത്തി. ഓപ്പറേഷന് അജയുടെ ഭാഗമായി ഇസ്രായേലില് നിന്ന് ഡല്ഹിയിലെത്തിയ അഞ്ചാം വിമാനത്തിലാണ് നോര്ക്ക റൂട്സ് മുഖേന മലയാളികള് ഉള്പ്പെടെയുള്ള ഇന്ത്യന് പൗരന്മാരെ തിരികെ എത്തിച്ചത്.
തിരികെ നാട്ടിലെത്തിയ മലയാളികളില് 14 പേര് കൊച്ചിയിലും എട്ട് പേര് തിരുവനന്തപുരത്തുമാണ് വിമാനമിറങ്ങിയത്. കേരളത്തിലേക്കുള്ള യാത്രക്കാര്ക്ക് ഡല്ഹിയില് നിന്നുളള വിമാനടിക്കറ്റുകള് നോര്ക്ക റൂട്സ് ലഭ്യമാക്കിയിരുന്നു. കൊച്ചിയിലെത്തിയ ഇവരെ നോര്ക്ക റൂട്സ് പ്രതിനിധികള് സ്വീകരിച്ച് വീടുകളിലേയ്ക്ക് യാത്രയാക്കി. ഇസ്രായേലില് നിന്നുള്ള യാത്രക്കാരെ തിരികെ എത്തിക്കുന്ന കേന്ദ്ര വിദേശകാര്യ മന്ത്രാലയത്തിന്റെ ഓപ്പറേഷന് അജയുടെ ഭാഗമായി ഇതുവരെ വിദ്യാര്ത്ഥികള് ഉള്പ്പെടെ 97 മലയാളികളാണ് നാട്ടിലെത്തിയത്.
അതേ സമയം ഗാസയിലെ അല് അഹ്ലി അറബ് ആശുപത്രിക്ക് നേരെയുണ്ടായ ആക്രമണത്തില് ലോകരാഷ്ട്രങ്ങള് അപലപിച്ചു. ആശുപത്രിക്ക് നേരെയുണ്ടായ ആക്രമണം യുദ്ധക്കുറ്റമെന്ന് ആരോപിച്ച് ജോര്ദ്ദാന് രംഗത്തെത്തി. നിഷ്ഠൂരമായ കൂട്ടക്കൊലയെന്നാണ് ഖത്തര് വിശേഷിപ്പിച്ചത്. പലസ്തീന് 100 മില്യണ് ഡോളറിന്റെ അടിയന്തിര സഹായം ജിസിസി രാജ്യങ്ങള് പ്രഖ്യാപിച്ചു. സൈനിക നടപടികള് നിര്ത്തിവെയ്ക്കണമെന്നും ജിസിസി രാജ്യങ്ങള് ആവശ്യപ്പെട്ടു.
ആക്രമണം അതീവ ദുഃഖകരമെന്നും സംഭവത്തെ കുറിച്ച് അന്വേഷിക്കുകയാണെന്നും അമേരിക്കന് പ്രസിഡന്റ് ജോ ബൈഡന് അറിയിച്ചു. ആക്രമണത്തില് മരിച്ചവരുടെ എണ്ണം 500 പിന്നിട്ടിരിക്കുകയാണ്. ആയിരങ്ങള്ക്ക് പരിക്കേറ്റതായും റിപ്പോര്ട്ടുകള് വ്യക്തമാക്കുന്നു. ആക്രമണത്തിന്റെ പശ്ചാത്തലത്തില് ഗാസയിലും വെസ്റ്റ് ബാങ്കിലും മൂന്ന് ദിവസത്തെ ദുഃഖാചരണം പ്രഖ്യാപിച്ചു.
ആക്രമണത്തിന് പിന്നില് ഇസ്രയേല് എന്ന് ഉറപ്പിച്ചിരിക്കുകയാണ് പാലസ്തീന്. എന്നാല് വ്യോമാക്രമണത്തില് തങ്ങള്ക്ക് പങ്കില്ലെന്നാണ് ഇസ്രയേല് പ്രധാനമന്ത്രി ബെഞ്ചമിന് നെതന്യാഹുവിന്റെ വാ?ദം. ആശുപത്രി ആക്രമിച്ചിട്ടില്ലെന്ന് കാണിച്ച് ഇസ്രായേല് പ്രധാനമന്ത്രി ബെഞ്ചമിന് നെതന്യാഹു നിഷേധ കുറിപ്പിറക്കി. ലോകം മുഴുവന് അറിയണം, ഗാസയിലെ ഭീകരരാണ് ആശുപത്രി തകര്ത്തത്. ഞങ്ങളുടെ കുട്ടികളെ ക്രൂരമായി കൊലപ്പെടുത്തിയവര് അവരുടെ മക്കളെയും കൊല്ലുകയാണെന്നും കുറിപ്പില് വിശദീകരിക്കുന്നു.