ഉന്നാവൊ പീഡനക്കേസില് പ്രതി കുല്ദീപ് സിംഗിന് പിന്തുണ അറിയിച്ച് ബി.ജെ.പി എം.എല്.എ. ഹാര്ദോയ് എം.എല്.എയായ അശിഷ് സിംഗ് അസുവാണ് കുല്ദീപിനെ പിന്തുണച്ചിരിക്കുന്നത്. മോശം സമയത്തിലൂടെയാണ് കുല്ദീപ് കടന്നു പോകുന്നത്. അദ്ദേഹം വേഗം തന്നെ ഇതില് നിന്ന് പുറത്ത് വരുമെന്നാണ് പ്രതീക്ഷയെന്ന് അസു പറഞ്ഞു.
“നമ്മുടെ സഹോദരന് കുല്ദീപ് സിംഗ് ഇന്ന് നമ്മളോടൊപ്പമില്ല, വളരെ മോശം സമയത്തിലൂടെയാണ് അദ്ദേഹം കടന്നു പോകുന്നത്. ഞങ്ങളുടെ എല്ലാ ആശംസയും അദ്ദേഹത്തിനുണ്ട്. ഈ മോശം സമയത്തെ അദ്ദേഹം മറികടക്കുമെന്ന് പ്രതീക്ഷിക്കാം. നമ്മള് എവിടെയായിരുന്നാലും അദ്ദേഹത്തിന് എല്ലാ അനുഗ്രഹങ്ങളുമുണ്ടാകും.” ബി.ജെ.പി, എം.എല്.എ പറഞ്ഞു. ഉന്നാവൊ പരിസരത്ത് നടന്ന ഒരു പരിപാടിക്കിടെയാണ് അസു ഈ വിവാദ പരാമര്ശം നടത്തിയത്.
ഉന്നാവൊ പീഡനക്കേസിലെ പ്രതി കുല്ദീപ് സിംഗ് സെങ്കാറിനെ വ്യാഴാഴ്ച ബി.ജെ.പിയില് നിന്ന് പുറത്താക്കിയിരുന്നു.