ബീഹാർ റെയിൽവേ സ്റ്റേഷനിൽ നിന്ന് വളരെ കൗതുകകരമായ ദൃശ്യം. ഒരു കൂട്ടം ഗ്രാമീണ സ്ത്രീകൾ പ്രധാനമന്ത്രി നരേന്ദ്ര മോദി ടിക്കറ്റില്ലാതെ യാത്ര ചെയ്യാൻ അനുവദിച്ചുവെന്ന് പറഞ്ഞു യാത്ര ചെയ്യാൻ ശ്രമിച്ചു. ബിഹാറിൽ നിന്നുള്ള ഒരു കൂട്ടം ഗ്രാമീണ സ്ത്രീകൾ ഇങ്ങനെ അവകാശപ്പെട്ടപ്പോൾ ബീഹാറിലെ ഒരു മുതിർന്ന റെയിൽവേ ഉദ്യോഗസ്ഥൻ സ്തബ്ധനായി.
ഉത്തർപ്രദേശ് അതിർത്തിയിലുള്ള ബക്സർ റെയിൽവേ സ്റ്റേഷനിൽ പ്രയാഗ്രാജ് മഹാകുംഭത്തിന് പോകുന്ന തീർത്ഥാടകരുമായി ദനാപൂർ ഡിവിഷണൽ റെയിൽവേ മാനേജർ ജയന്ത് കുമാർ നടത്തിയ സംഭാഷണത്തിന്റെ വീഡിയോ ഇപ്പോൾ സോഷ്യൽ മീഡിയയിൽ വൈറലായി.
മെഗാ കുംഭ സന്ദർശിക്കുന്ന തീർത്ഥാടകരുടെ പ്രതീക്ഷിച്ചതിലും ഉയർന്ന തിരക്ക് കണക്കിലെടുത്ത് ഞായറാഴ്ച ഡിആർഎം സ്റ്റേഷൻ പരിശോധിക്കുകയായിരുന്നു. ഇതേ കാരണം തന്നെയാണ് ന്യൂഡൽഹി റെയിൽവേ സ്റ്റേഷനിലെ തിക്കിലും തിരക്കിനും കാരണമായതായി കണക്കാക്കപ്പെടുന്നത്. ന്യൂ ഡൽഹി റെയിൽവേ സ്റ്റേഷനിൽ വെച്ചുണ്ടായ തിക്കിലും തിരക്കിലും പെട്ട് പതിനെട്ട് ആളുകൾ മരണപെട്ടു വെന്ന് കണക്കുകൾ ഉണ്ടെങ്കിലും മരണനിരക്ക് അതിനേക്കാൾ കൂടുതലാണ് എന്ന് പ്രതിപക്ഷം ആരോപിക്കുന്നു.