ഭരണവിരുദ്ധ വികാരത്തെ അതിജീവിച്ച മോദിയും അമിത് ഷായും അഭിനന്ദനം അര്‍ഹിക്കുന്നുവെന്ന് കോണ്‍ഗ്രസ് വക്താവ് മനു അഭിഷേക് സിങ്വി. എന്നാല്‍ ശക്തമായ ഒരു പ്രതിപക്ഷത്തെ നേരിടാന്‍ ബിജെപി തയ്യാറായിരിക്കണമെന്നും സിങ്വി പറഞ്ഞു.
യഥാര്‍ത്ഥത്തില്‍ ബിജെപിയല്ല മോദിയാണ് ഈ വിജയത്തില്‍ അഭിനന്ദനമര്‍ഹിക്കുന്നത്. ഞങ്ങള്‍ ജനങ്ങളുടെ മുമ്പിലേക്ക് വെച്ച നേട്ടങ്ങളും പദ്ധതികളുമെല്ലാം മോദിയുടെ മാര്‍ക്കറ്റിംഗിനു മുമ്പില്‍ പരാജയപ്പെട്ടു. ഭയവും വിഭാഗീയതയും പ്രകോപനവുമാണ് അദ്ദേഹം മാര്‍ക്കറ്റ് ചെയ്യുന്നത് പശ്ചിമബംഗാളില്‍ അത് നമ്മള്‍ കണ്ടതുമാണ്.
അദ്ദേഹം ജയിച്ചു എന്നത് ശരിയാണ്.
പക്ഷേ ബിജെപിക്ക് ജയിക്കാനിട നല്‍കിയ മോശമായ കാരണം ഇപ്പോഴും നിലനില്‍ക്കുകയാണ്. രാഷ്ട്രീയ നേട്ടത്തിനായി വളരെ ബുദ്ധിപരമായി എന്നാല്‍ ഒരു ലജ്ജയുമില്ലാതെ ഇന്ത്യന്‍ സൈന്യത്തെ വരെ ഉപയോഗപ്പെടുത്തിയ ആളാണ് മോദി.
എന്നാല്‍ ശക്തമായ ഒരു പ്രതിപക്ഷം തന്നെയാണ് ബജെപിയെ കാത്തിരിക്കുന്നതെന്ന കാര്യം ഓര്‍മ്മ വേണം. സിങ്വി വ്യക്തമാക്കി.