തന്റെ മണ്ഡലമായ ജാർഖണ്ഡിലെ ജംതാരയിലെ റോഡുകൾ നടി കങ്കണ റണൗത്തിന്റെ കവിളുകളേക്കാൾ മിനുസമാർന്നതായിരിക്കുമെന്ന് വാഗ്ദാനം ചെയ്ത് കോൺഗ്രസ് എംഎൽഎ ഡോ ഇർഫാൻ അൻസാരി വിവാദത്തിലായി.
“ജംതാരയിൽ 14 ലോകോത്തര റോഡുകളുടെ നിർമ്മാണം ഉടൻ ആരംഭിക്കും. സിനിമാ നടി കങ്കണ റണൗത്തിന്റെ കവിളുകളേക്കാൾ മിനുസമാർന്ന റോഡുകളായിരിക്കുമെന്ന് ഞാൻ ഉറപ്പുനൽകുന്നു.” വെള്ളിയാഴ്ച സ്വയം പോസ്റ്റ് ചെയ്ത ഒരു വീഡിയോയിൽ എംഎൽഎ ഡോ ഇർഫാൻ അൻസാരി പറഞ്ഞു.
ആരോഗ്യത്തിന് ഹാനികരമാകുമെന്നതിനാൽ ദീർഘനേരം മുഖംമൂടി ധരിക്കരുതെന്ന് അവകാശപ്പെട്ട് ഡോ ഇർഫാൻ അൻസാരി ഈ ആഴ്ച ആദ്യം വാർത്തകളിൽ നിറഞ്ഞിരുന്നു. “എം‌ബി‌ബി‌എസ് ഡോക്ടർ” എന്ന നിലയിലുള്ള തന്റെ യോഗ്യതകൾ ഉയർത്തിക്കാട്ടിയായിരുന്നു അഭിപ്രായപ്രകടനം മാസ്‌ക്കുകളുടെ അമിതവും നീണ്ടുനിൽക്കുന്നതുമായ ഉപയോഗം കാർബൺഡൈഓക്‌സൈഡ് ശ്വസിക്കുന്നതിലേക്ക് നയിക്കുമെന്ന് എം.എൽ.എ പ്രസ്താവിച്ചിരുന്നു.
രാജ്യത്ത് കൊവിഡ്-19 കേസുകൾ വൻതോതിൽ വർദ്ധിച്ചുകൊണ്ടിരിക്കുന്ന സമയത്ത് വന്ന അൻസാരിയുടെ പരാമർശത്തെ പ്രതിപക്ഷ നേതാക്കളും പാർട്ടി സഹപ്രവർത്തകരും ഒരുപോലെ അപലപിച്ചു. ഇപ്പോഴിതാ തന്റെ ഏറ്റവും പുതിയ പ്രസ്താവനയിലൂടെ വീണ്ടും വിമർശനം നേരിടുകയാണ് എം.എൽ.എ.
രാഷ്ട്രീയക്കാർ തങ്ങളുടെ റോഡുകളെ നടിമാരുടെ കവിളുമായി താരതമ്യം ചെയ്യുന്നത് ഇതാദ്യമല്ല. 2005ൽ ബിഹാറിലെ റോഡുകൾ നടി ഹേമമാലിനിയുടെ കവിളുകൾ പോലെ മിനുസമാർന്നതാക്കുമെന്ന് ആർജെഡി നേതാവ് ലാലു പ്രസാദ് യാദവ് വാഗ്ദ്ധാനം ചെയ്‌തിരുന്നു.
2021 നവംബറിൽ, പുതുതായി നിയമിതനായ രാജസ്ഥാൻ മന്ത്രി രാജേന്ദ്ര സിംഗ് ഗുധ, സംസ്ഥാനത്തെ റോഡുകളെ നടി കത്രീന കൈഫിന്റെ കവിളുമായി താരതമ്യപ്പെടുത്തി നടത്തിയ പരാമർശങ്ങൾ വൈറലായതിനെ തുടർന്ന് വിവാദം സൃഷ്ടിച്ചിരുന്നു.
തന്റെ മണ്ഡലത്തിലെ റോഡുകളെ ഹേമമാലിനിയുടെ കവിളിനോട് ഉപമിച്ച തന്റെ പരാമർശത്തിൽ സംസ്ഥാന വനിതാ കമ്മീഷൻ ശക്തമായി എതിർത്തതിനെ തുടർന്ന് കഴിഞ്ഞ മാസം മഹാരാഷ്ട്ര മന്ത്രിയും ശിവസേനയുടെ മുതിർന്ന നേതാവുമായ ഗുലാബ്രറാവു പാട്ടീലിന് മാപ്പ് പറയേണ്ടി വന്നിരുന്നു.