ജമ്മു കശ്മീരിലെ നൗഗാം സെക്ടറിൽ ഉള്ള പാകിസ്ഥാൻ സൈനിക ഉദ്യോഗസ്ഥന്റെ ശവകുടീരം പുനഃസ്ഥാപിച്ചതായി ഇന്ത്യൻ സൈന്യം അറിയിച്ചു.
ശ്രീനഗർ ആസ്ഥാനമായുള്ള ചിനാർ കോർപ്സ് ശവകുടീരത്തിലെ ലിഖിതത്തിന്റെ ഒരു ഫോട്ടോ ട്വീറ്റ് ചെയ്തു, അതിൽ ഇങ്ങനെ എഴുതിയിരിക്കുന്നു: ‘മേജർ മുഹമ്മദ് ഷബീർ ഖാൻ, സിത്താർ-ഇ-ജുറത്തിന്റെ സ്മരണയ്ക്കായി, വീരചരമം വരിച്ചത് 05 മെയ് 1972, 1630 എച്ച്, 9സിഖിന്റെ പ്രത്യാക്രമണത്തിൽ കൊല്ലപ്പെട്ടു’.
ഇന്ത്യൻ സൈന്യത്തിന്റെ പാരമ്പര്യവും ധാർമ്മികതയും അനുസരിച്ച് ചിനാർ കോർപ്സ് പാകിസ്ഥാൻ സൈന്യത്തിലെ മേജർ മുഹമ്മദ് ഷബീർ ഖാൻ, സിത്താർ-ഇ-ജുറത്തിന്റെ തകർന്നുപോയ ശവകുടീരം പുനഃസ്ഥാപിച്ചു. 1972 മെയ് 05- ന് നൗഗം സെക്ടറിലെ നിയന്ത്രണരേഖയ്ക്ക് മുന്നിലുള്ള ഒരു സ്ഥലത്ത് വെച്ച് അദ്ദേഹം ദൗത്യത്തിനിടെ കൊല്ലപ്പെടുകയായിരുന്നു,” ചിനാർ കോർപ്സ് ട്വിറ്ററിൽ പോസ്റ്റ് ചെയ്തു.
“വീണു പോയ ഒരു സൈനികൻ, അദ്ദേഹം ഏത് രാജ്യക്കാരനായാലും, മരണാനന്തര ബഹുമതി അർഹിക്കുന്നു. ഇന്ത്യൻ സൈന്യം ഈ വിശ്വാസത്തിനൊപ്പം നിൽക്കുന്നു. ലോകത്തിന് മുന്നിൽ ഇതാണ് ഇന്ത്യൻ സൈന്യം,” കരസേന കൂട്ടിച്ചേർത്തു.