രാജ്യത്ത് കോവിഡ് ബാധിതരുടെ എണ്ണം 1,51,767 ആയി. കഴിഞ്ഞ 24 മണിക്കൂറിനിടെ കോവിഡ് ബാധിച്ച് 170 പേര്‍ മരിക്കുകയും 6385 പേർക്ക് രോഗം സ്ഥിരീകരിക്കുകയും ചെയ്തു. 64426 പേർ രോഗമുക്തരായി. ഇതു വരെ 4337 പേർ കോവിഡ് ബാധിച്ച് മരിച്ചു. ഇതു വരെ 32.42 ലക്ഷം കോവിഡ് പരിശോധനകൾ നടത്തിയതായി കേന്ദ്ര ആരോഗ്യ മന്ത്രാലയം അറിയിച്ചു.
രാജ്യത്ത് രോഗമുക്തി നിരക്ക് 42.4% ഉം മരണനിരക്ക് 2.86% ആണ്.135 സർക്കാർ ലാബുകളും 189 സ്വകാര്യ ലാബുകളും കോവിഡ് പരിശോധന നടത്തുന്നതായി ആരോഗ്യ മന്ത്രാലയം അറിയിച്ചു.
മഹാരാഷ്ട്രയിൽ പുതിയതായി 105 കോവിഡ് മരണവും 2190 കേസുകളും സ്ഥിരീകരിച്ചു. ഇതോടെ രോഗബാധിതരുടെ എണ്ണം 56948 ആയി. സംസ്ഥാത്ത് 75 പൊലീസുദ്യോസ്ഥര്‍ക്ക് കൂടി കോവിഡ് റിപ്പോർട്ട് ചെയ്തു. ഇവിടെ ആകെ കോവിഡ് മരണം 1897 ആണ്. 17918 പേർക്ക് അസുഖം ഭേദമായി ഡൽഹിയിൽ കഴിഞ്ഞ 24 മണിക്കൂറിനിടെ 792 കോവിഡ് പോസിറ്റീവ് കേസുകൾ റിപ്പോർട്ട് ചെയ്തതോടെ ആകെ രോഗികളുടെ എണ്ണം15257 ആയി മരണസംഖ്യ 303 ആണ്.
ഗുജറാത്തിൽ 23 മരണവും 376 പുതിയ കോവിഡ് കേസും കൂടി സ്ഥിരീകരിച്ചു. ആകെ രോഗികൾ 15,205- ഉം മരണം 938 ആയി. രാജസ്ഥാനില്‍ രണ്ട് മരണവും 109 കോവിഡ് കേസുകളും റിപ്പോര്‍ട്ട് ചെയ്തു. യു.പിയിൽ 277- ഉം ബംഗാളിൽ 183 അസുഖ ബാധിതരെ കൂടി കണ്ടെത്തി കശ്മീരിൽ 162 ഒഡിഷയില്‍ 76- ഉം അസമിൽ 60- ഉം കോവിഡ് കേസുകൾ പുതിയതായി സ്ഥിരീകരിച്ചു.