പെണ്കുട്ടികളെ പ്രസവിച്ചതിന്റെ പേരില് സ്ത്രീക്ക് ഏല്ക്കേണ്ടി വന്നത് ക്രൂരമര്ദ്ദനം. ഉത്തര്പ്രദേശിലെ മഹോബ ജില്ലയിലാണ് സമൂഹമനസാക്ഷിയെ ഞെട്ടിക്കുന്ന ഈ സംഭവം നടന്നത്.
ഭര്ത്താവും ബന്ധുക്കളും ചേര്ന്ന് ക്രൂരമായി മര്ദ്ദിക്കുന്നതിന്റെ ദൃശ്യങ്ങളും പുറത്ത് വന്നിട്ടുണ്ട്. ഗുരുതര പരിക്കുകളോടെ സ്ത്രീയെ ആശുപത്രിയില് പ്രവേശിപ്പിച്ചിരിക്കുകയാണ്. ആണ്കുട്ടിക്ക് ജന്മം നല്കിയില്ലെന്നാരോപിച്ച് ഭര്ത്താവും ബന്ധുക്കളും ചേര്ന്ന് എന്നെ ക്രൂരമായി മര്ദ്ദിച്ചു.
രണ്ടാമതും പെണ്കുട്ടി ജനിച്ചതോടെയാണ് ഉപദ്രവം കൂടിയത്. മര്ദ്ദനം സഹിക്കാനാവാതെയാണ് ജോലിയ്ക്ക് പോയിത്തുടങ്ങിയത്.’ – സ്ത്രീ പറഞ്ഞു. രണ്ട് സ്ത്രീകള് ഇവരെ മര്ദ്ദിക്കുന്നതും ആ സമയം വേദനകൊണ്ട് കരയുന്ന ഇവര് വെറുതെ വിടാന് അപേക്ഷിക്കുന്നതും വീഡിയോയില് കാണാം.
സ്ത്രീയുടെ പരാതിയില് കേസ് രജിസ്റ്റര് ചെയ്ത് അന്വേഷണം ആരംഭിച്ചതായി പൊലീസ് പറഞ്ഞു. സംഭവത്തില് പ്രതികള്ക്കെതിരെ ശക്തമായ നടപടി സ്വീകരിക്കുമെന്ന് മഹോബ പൊലീസ് സൂപ്രണ്ട് സുധ സിംഗ് പറഞ്ഞു.