അടുത്ത നിയമസഭ തിരഞ്ഞെടുപ്പില് കേരളത്തില് എല്ഡിഎഫിനു ഭരണത്തുടര്ച്ചയുണ്ടാകുമെന്നു സിപിഐ ജനറല് സെക്രട്ടറി ഡി. രാജ. സിപിഐ ജന്മശതാബ്ദി ആഘോഷങ്ങളുടെ സമാപനസമ്മേളനം ഉദ്ഘാടനംചെയ്ത് സംസാരിക്കുകയായിരുന്നു അദ്ദേഹം.
ഇന്ത്യന് സ്വാതന്ത്ര്യസമരത്തിലെ ആര്എസ്എസിന്റെ പങ്കുതെളിയിക്കാന് താന് അവരെ വെല്ലുവിളിക്കുന്നു. ഇന്ത്യന് സ്വാതന്ത്ര്യസമരത്തില് യാതൊരു പങ്കും വഹിക്കാത്തവര് ഇന്ത്യ ഭരിക്കുന്നത് എങ്ങനെ ന്യായീകരിക്കാന് കഴിയുമെന്ന് അദേഹം ചോദിച്ചു.
ഒരുകാലത്തു ബ്രിട്ടീഷ് രാജിനെ നാം ഒറ്റക്കെട്ടായി ചെറുത്തുതോല്പ്പിച്ചതുപോലെ പുതിയ കാലത്ത് ആര്എസ്എസ് രാജിനെയും മോദി രാജിനെയും ചെറുക്കുക എന്നതാണ് നമ്മുടെ ഉത്തരവാദിത്വമെന്നും രാജ പറഞ്ഞു.