ഏഷ്യൻ രാജ്യങ്ങളിലാണ് ലോകത്തിലെ തന്നെ ഏറ്റവും കുറഞ്ഞ നരഹത്യാ നിരക്കെന്ന് വെളിപ്പെടുത്തലുമായി ഐക്യരാഷ്ട്ര സഭയുടെ റിപ്പോർട്ട്. നിലവിൽ നരഹത്യകളിൽ ഏറിയ പങ്കും നടക്കുന്നത് അമേരിക്കൻ ഐക്യനാടുകളിലെന്നും വെളിപ്പെടുത്തൽ.
ലോകത്തിലാകമാനം 2017- ൽ നാലുലക്ഷത്തി അറുപതിനായിരം പേർക്ക് നരഹത്യ മൂലം ജീവൻ നഷ്ട്ടപ്പെട്ടെന്ന് യു.എൻ ഓഫീസ് ഓഫ് ഡ്രഗ്സ് ആന്റ് ക്രൈമിന്റെ റിപ്പോർട്ടിൽ വ്യക്തമാക്കുന്നു. ഏഷ്യയിലാണ് ഏറ്റവും കുറഞ്ഞ നരഹത്യാ നിരക്കെന്നും റിപ്പോർട്ടുകൾ സൂചിപ്പിക്കുന്നു.
ഇത്തരത്തിൽ 2017- ൽ ഏഷ്യയിൽ നരഹത്യ മൂലം ഒരു ലക്ഷം പേരിൽ 2.3 ആളുകൾക്കാണ് ജീവൻ നഷ്ട്ടപ്പെട്ടത് . കൂടാതെ ഏഷ്യൻ രാജ്യങ്ങളിലാണ് ലോക ജനതയുടെ 60% ജനങ്ങളെന്നതും റിപ്പോർട്ടിൽ പരിഗണിക്കപ്പെട്ടിരുന്നു.
1992- ൽ ഒരു ലക്ഷത്തിൽ 7.2 ശതമാനം പേർക്ക് നരഹത്യ മൂലം ജീവൻ നഷ്ടമായിരുന്നു. 2017 ൽ അത് 6.1 ആയി കുറഞ്ഞുവെന്നും റിപ്പോർട്ടിൽ വ്യക്തമാക്കുന്നു.
നരഹത്യക്ക് ഇരയാകുന്നവരിൽ അധികവും പുരുഷൻമാരാണെന്ന ഞെട്ടിക്കുന്ന വിവരവും യു.എൻ ഓഫീസ് ഓഫ് ഡ്രഗ്സ് ആന്റ് ക്രൈമിന്റെ റിപ്പോർട്ടിൽ വെളിപ്പെടുത്തുന്നു.