സഹപ്രവർത്തകരുടേത് അടക്കം 13,000 നഗ്നചിത്രങ്ങൾ! കാമുകന്റെ ഫോൺ തുറന്ന കാമുകി ഞെട്ടി; യുവാവ് അറസ്റ്റില്‍

ഫോണിൽ 13,000ഓളം നഗ്നചിത്രങ്ങള്‍ സൂക്ഷിച്ച യുവാവ് അറസ്റ്റില്‍. സഹപ്രവര്‍ത്തകരായ സ്ത്രീകളുടേത് ഉള്‍പ്പെടെ മോര്‍ഫ് ചെയ്തതും അല്ലാത്തതുമായ ചിത്രങ്ങളുടെ വൻ ശേഖരം ഫോണിൽ സൂക്ഷിച്ച ബെംഗളൂരുവിലെ ഒരു ബിപിഒ കമ്പനിയില്‍ കസ്റ്റമര്‍ സര്‍വീസ് ഏജന്റായ ആദിത്യ സന്തോഷി(25)നെയാണ് സൈബര്‍ ക്രൈം പോലീസ് അറസ്റ്റ് ചെയ്തത്.

മോര്‍ഫ് ചെയ്തതും അല്ലാത്തതുമായ നിരവധി സ്ത്രീകളുടെ നഗ്നചിത്രങ്ങളാണ് ഇയാളില്‍നിന്ന് കണ്ടെടുത്തതെന്നും എന്തിനുവേണ്ടിയാണ് ഇയാള്‍ ഇത്രയധികം നഗ്നചിത്രങ്ങള്‍ സൂക്ഷിച്ചതെന്ന് അന്വേഷിച്ചു വരികയാണെന്നും പോലീസ് പറഞ്ഞു. കമ്പനി അധികൃതരുടെ പരാതിയിലാണ് പൊലീസ് കേസെടുത്തത്.

പ്രതിയുടെ കാമുകിയും സഹപ്രവര്‍ത്തകയുമായ 22കാരിയാണ് ഇയാളുടെ ഫോണില്‍ നിന്ന് നഗ്നചിത്രങ്ങളുടെ വന്‍ശേഖരം കണ്ടെത്തിയത്. യുവതിക്കൊപ്പമുള്ള ചില സ്വകാര്യ നിമിഷങ്ങള്‍ ആദിത്യ നേരത്തെ ഫോണില്‍ പകര്‍ത്തിയിരുന്നു. ആദിത്യയുടെ ഫോണില്‍ നിന്ന് ഈ ചിത്രങ്ങള്‍ നീക്കംചെയ്യാനായാണ് ഇയാള്‍ അറിയാതെ യുവതി ഫോണ്‍ കൈക്കലാക്കി ഗ്യാലറി തുറന്നത്. എന്നാല്‍, ഗ്യാലറി തുറന്നതോടെ നിരവധി സ്ത്രീകളുടെ 13,000ഓളം നഗ്നചിത്രങ്ങള്‍ കണ്ട് യുവതി ഞെട്ടി.

അഞ്ചുമാസം മുന്‍പാണ് ആദിത്യ സന്തോഷ് കമ്പനിയില്‍ ചേര്‍ന്നത്. ഇതിനിടെ 22കാരിയുമായി സൗഹൃദത്തിലാവുകയും ഇത് പ്രണയമാവുകയും ചെയ്തു. കഴിഞ്ഞ നാലുമാസമായി ഇരുവരും അടുപ്പത്തിലായിരുന്നു. കാമുകന്റെ ഫോണില്‍ തന്റെയും സഹപ്രവര്‍ത്തകരുടെയും ചിത്രങ്ങളുണ്ടെന്ന് വ്യക്തമായതോടെ ഇക്കാര്യം കമ്പനിയിലെ മുതിര്‍ന്ന ഉദ്യോഗസ്ഥരെ അറിയിച്ചു.

ഓഫീസിലെ വനിതാ ജീവനക്കാര്‍ക്കൊന്നും ആദിത്യയില്‍ നിന്ന് ഉപദ്രവം നേരിട്ടിട്ടില്ലെന്നാണ് കമ്പനി അധികൃതരുടെ പ്രതികരണം. കമ്പനിയിലെ കമ്പ്യൂട്ടറുകള്‍ ഉപയോഗിച്ചല്ല പ്രതി ചിത്രങ്ങള്‍ മോര്‍ഫ് ചെയ്തിരിക്കുന്നത്. എന്നാല്‍, വിഷയം ഗൗരവമുള്ളതായതിനാലാണ് പൊലീസില്‍ പരാതി നല്‍കിയതെന്നും പ്രതിയുടെ ലക്ഷ്യമെന്താണെന്ന് ഇതുവരെ ആര്‍ക്കും വ്യക്തമല്ലെന്നും കമ്പനി വക്താവ് പറഞ്ഞു.

Latest Stories

'എനിക്ക് ഇപ്പോഴും ടെസ്റ്റ് ക്രിക്കറ്റ് കളിക്കാൻ ആഗ്രഹമുണ്ട്'; ടീം ഇന്ത്യയുമായുള്ള ഭാവി പദ്ധതികൾ വെളിപ്പെടുത്തി സൂപ്പർ താരം

'ഗുരുപൂജ സംസ്കാരത്തിന്റെ ഭാഗം, സംസ്കാരം മറന്നാൽ നമ്മൾ തന്നെ ഇല്ലാതാവും'; വിദ്യാർത്ഥികളെകൊണ്ട് പാദപൂജ ചെയ്ത സംഭവത്തെ ന്യായീകരിച്ച് ഗവർണർ

മുതിർന്ന തെലുങ്ക് നടൻ കോട്ട ശ്രീനിവാസ റാവു അന്തരിച്ചു

'വീണ ജോർജ് അവസരത്തിനൊത്ത പക്വത കാട്ടിയില്ല'; നിലവിലെ വിവാദങ്ങളിൽ മന്ത്രി രാജി വെക്കേണ്ടതില്ലെന്ന് ലത്തീൻ സഭ

IND VS ENG: മോനെ ഗില്ലേ, ആ ഒരു കാര്യത്തിൽ നീ കാണിക്കുന്നത് കള്ളത്തരമാണ്, അത് നടക്കില്ല: ജോ റൂട്ട്

IND VS ENG: നീയൊക്കെ സമനിലയ്ക്ക് വേണ്ടിയാണോ കളിക്കുന്നെ എന്ന് ഡക്കറ്റ്; താരത്തിന് മാസ്സ് മറുപടി നൽകി റിഷഭ് പന്ത്

IND VS ENG: നിനക്കെന്താടാ ചെക്കാ ഞങ്ങളെ പേടിയാണോ; ഇംഗ്ലണ്ടിനെ ട്രോളി ശുഭ്മാൻ ഗിൽ; സംഭവം ഇങ്ങനെ

IND vs ENG: "ഇത് ക്രിക്കറ്റല്ല, സ്പോർട്സിന്റെ മാന്യതയ്ക്ക് നിരക്കാത്തത്"; പരിക്കേറ്റ പന്തിനെതിരായ ഇം​ഗ്ലണ്ടിന്റെ 'ബോഡിലൈൻ' തന്ത്രത്തിൽ പൊട്ടിത്തെറിച്ച് ഗവാസ്കർ, ഗാംഗുലിക്ക് ശക്തമായ സന്ദേശം

സ്കൂളിൽ വിദ്യാർത്ഥികളെ കൊണ്ട് പാദപൂജ ചെയ്യിപ്പിച്ച സംഭവം; സ്വമേധയാ കേസെടുത്ത് ബാലാവകാശ കമ്മീഷൻ

IND vs ENG: വിവ് റിച്ചാർഡ്സിന്റെ റെക്കോർഡ് മറികടന്ന് പന്ത്, പക്ഷേ നിർഭാ​ഗ്യം വേട്ടയാടി