കേരളത്തില് ഈഴവര്ക്ക് പ്രാധാന്യം ലഭിക്കുന്നത് തൊഴിലുറപ്പ് പദ്ധതിയില് മാത്രമാണെന്ന് എസ്എന്ഡിപി ജനറല് സെക്രട്ടറി വെള്ളാപ്പള്ളി നടേശന്. നായാടി മുതല് നസ്രാണി വരെയുള്ളവരുടെ കൂട്ടായ്മയാണ് ഇനി അനിവാര്യമെന്നും വെള്ളാപ്പള്ളി നടേശന് പറഞ്ഞു. കോട്ടയത്ത് നടന്ന എസ്എന്ഡിപി യോഗത്തിന്റെ നേതൃയോഗത്തില് സംസാരിക്കുമ്പോഴായിരുന്നു വെള്ളാപ്പള്ളിയുടെ പരാമര്ശം.
എസ്എന്ഡിപി യോഗം രാഷ്ട്രീയ ശക്തി ആകണം. അംഗങ്ങള് അവരവരുടെ പാര്ട്ടികളില് നിന്നും അവകാശം നേടി എടുക്കണം. സമുദായത്തിന് സ്വാധീനം ഉള്ള സ്ഥലങ്ങളില് അധികാരത്തിലെത്താന് ശ്രമം വേണം. തദ്ദേശതിരഞ്ഞെടുപ്പില് കൂടുതല് പ്രതിനിധികള് വേണമെന്നും വെള്ളാപ്പള്ളി കൂട്ടിച്ചേര്ത്തു.
വിഎസ് അച്യുതാനന്ദന് നേരത്തെ പറഞ്ഞതുപോലെ കേരളം ഒരു മുസ്ലിം ഭൂരിപക്ഷ സമൂഹമാകും. കേരളത്തില് മറ്റിടങ്ങളില് നിയമസഭാ മണ്ഡലം കുറഞ്ഞപ്പോള് മലപ്പുറത്ത നാല് സീറ്റ് കൂടി. മുസ്ലിം സമുദായം ജനസംഖ്യ വര്ധിപ്പിക്കുവാന് തുടങ്ങി. നമ്മള് ജനസംഖ്യ നിയന്ത്രിച്ചാല് ഇല്ലാതാവുമെന്നും വെള്ളാപ്പള്ളി പറഞ്ഞു.
കേരളത്തില് മുസ്ലിം ലീഗ് കൂടുതല് സീറ്റില് മത്സരിക്കുന്നു. അടുത്ത തെരഞ്ഞെടുപ്പില് വീണ്ടും സീറ്റ് കൂടുതല് ചോദിക്കും. മലബാറിന് പുറത്തു തിരു-കൊച്ചിയിലും അവര് സീറ്റ് ചോദിക്കും. എന്നിട്ട് അവര് ലക്ഷ്യമിടുന്നത് മുഖ്യമന്ത്രി സ്ഥാനമാണ്. കേരളത്തിലെ ഈഴവര്ക്ക് ഏറ്റവും പ്രാധാന്യം കിട്ടുന്നത് തൊഴിലുറപ്പ് പദ്ധതിയില് മാത്രമാണെന്നും വെള്ളാപ്പള്ളി ആരോപിച്ചു.
ു. കാന്തപുരം പറയുന്നത് കേട്ട് കേരള സര്ക്കാര് ഭരിച്ചാല് മതിയെന്ന സ്ഥിതിയാണ് നിലവിലുള്ളതെന്നും കോടതി വിധി പ്രകാരമാണ് സ്കൂള് സമയമാറ്റം നടത്തുന്നതെന്നും വെള്ളാപ്പള്ളി പറഞ്ഞു.