തദ്ദേശ ഭരണ തിരഞ്ഞെടുപ്പില് യുഡിഎഫ് റെക്കോഡ് വിജയം നേടുമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്. കഴിഞ്ഞ നാലര വര്ഷമായി കേരളം ഭരിക്കുന്ന എല്ഡിഎഫ് സര്ക്കാരിന്റെ ദുര്ഭരണത്തിന് എതിരായ ജനവിധിയായിരിക്കുമിത്. . 14 ജില്ലകളിലെ ജനങ്ങളുമായി നേരിട്ട് ബന്ധപ്പെട്ടതിലൂടെയാണ് ഇക്കാര്യം ബോദ്ധ്യപ്പെട്ടതെന്നും മുല്ലപ്പള്ളി പറഞ്ഞു. കോഴിക്കോട് വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
ഇടത് ഭരണത്തില് സമസ്ത മേഖലയിലുമുള്ള ആളുകളും അതീവ നിരാശരും ദു:ഖിതരുമാണ്. ജനങ്ങളുടെ പ്രതിഷേധം വോട്ടെടുപ്പില് പ്രതിഫലിക്കുമെന്നും മുല്ലപ്പള്ളി പറഞ്ഞു.
തിരഞ്ഞെടുപ്പില് നിറഞ്ഞ ആത്മവിശ്വാസമെന്ന് മുസ്ലിം ലീഗ് നേതാവ് പികെ കുഞ്ഞാലിക്കുട്ടി പറഞ്ഞു. മലബാറിലും കേരളത്തിലാകെയും യുഡിഎഫ് തൂത്തുവാരും. ഭരണവിരുദ്ധ വികാരം ശക്തമാണ്. ജനങ്ങള്ക്ക് പ്രതീക്ഷ യുഡിഎഫില് മാത്രമെന്നും തിരഞ്ഞെടുപ്പ് ഫലത്തോടെ വ്യക്തമാകുമെന്നും കുഞ്ഞാലിക്കുട്ടി പറഞ്ഞു.