സംസ്ഥാനത്ത് ഡ്രൈ ഡേ ഒഴിവാക്കുമോ എന്ന ചോദ്യത്തിന് പ്രതീക്ഷ ഉയർത്തുന്ന മറുപടിയുമായി ടൂറിസം മന്ത്രി മുഹമ്മദ് റിയാസ്. ഡ്രൈ ഡേ ഒഴിവാക്കുന്നത് തദ്ദേശ വകുപ്പുമായടക്കം ചര്ച്ച ചെയ്യേണ്ട വിഷയമാണ്. ഡ്രൈ അടക്കമുള്ള വിഷയങ്ങളില്നയങ്ങളും നിര്ദേശങ്ങളും അടങ്ങുന്ന മാസ്റ്റര്പ്ലാന് അവതരിപ്പിക്കുമെന്നും മന്ത്രി പറഞ്ഞു. കേരളീയം പരിപാടിയുടെ ഭാഗമായി ‘കേരളത്തിലെ വിനോദസഞ്ചാര മേഖല’ എന്ന സെമിനാറിനെ അഭിസംബോധന ചെയ്തു സംസാരിക്കുന്നതിനിടെയാണ് മന്ത്രിയുടെ പരാമർശം.
വിനോദസഞ്ചാരത്തിനായി എല്ലാ മേഖലയെയും പരിഗണിച്ചുകൊണ്ടുള്ള ‘മിഷന് 2030’ മാസ്റ്റര്പ്ലാന് സര്ക്കാര് അടുത്ത വര്ഷം കൊണ്ടുവരുമെന്ന് മന്ത്രി പ്രഖ്യാപിച്ചു. ഡ്രൈ ഡേ അടക്കമുള്ള വിഷയങ്ങൾ അതിൽ പ്രതിപാദിക്കും. വിനോദസഞ്ചാരത്തിനായി എല്ലാ മേഖലയെയും പരിഗണിച്ചുകൊണ്ടുള്ള ‘മിഷന് 2030’ മാസ്റ്റര്പ്ലാന് സര്ക്കാര് അടുത്ത വര്ഷം കൊണ്ടുവരും.
സ്വകാര്യ കമ്പനികളുടെ പങ്കാളിത്തത്തോടെ ഹെലി ടൂറിസവും ക്രൂയിസ് ടൂറിസവും 2024-ല് ആരംഭിക്കും. ചാലിയാര് നദിക്ക് കുറുകെ നവീകരിച്ച 132 വര്ഷം പഴക്കമുള്ള ഫറോക്ക് പാലം ഡിസൈന് പോളിസിക്ക് അനുസൃതമായി 2024 ല് സംസ്ഥാനത്തിന് സമര്പ്പിക്കുമെന്നും മന്ത്രി അറിയിച്ചു. ആലുവയില് മറ്റൊരു പാലത്തിന്റെ പണി 2024 ല് ആരംഭിക്കും.
സ്വകാര്യ നിക്ഷേപത്തിന് വലിയ സാധ്യതയാണ് ടൂറിസം മേഖലയിലുള്ളത്. പൊതു-സ്വകാര്യ പങ്കാളിത്ത സാധ്യതകള് പൂര്ണമായി പ്രയോജനപ്പെടുത്താന് ഇപ്പോഴും ടൂറിസം മേഖലയ്ക്ക് കഴിഞ്ഞിട്ടില്ല. വാഗമണിലെ ഗ്ലാസ് ബ്രിഡ്ജ് പൊതു-സ്വകാര്യ മാതൃകയ്ക്ക് ഉദാഹരണമാണ്.വംബര് 16ന് നടക്കുന്ന ടൂറിസം നിക്ഷേപക സംഗമം സ്വകാര്യ നിക്ഷേപകര്ക്ക് പുതിയ ആശയങ്ങളും അവസരങ്ങളും ചര്ച്ച ചെയ്യുന്നതിന് വഴിയൊരുക്കുമെന്നും നൂതന പദ്ധതികള് ആവിഷ്കരിക്കുന്ന ‘കേരള മോഡല്’ ലോകമെമ്പാടും അനുകരിക്കുമെന്നും മന്ത്രി വ്യക്തമാക്കി.