തിരുവനന്തപുരം വെഞ്ഞാറമൂട് പണയത്ത് നിന്ന് കാണാതായ മൂന്ന് ആണ്‍കുട്ടികളെയും കണ്ടെത്തി. പാലോട് വനമേഖലയില്‍ നിന്നാണ് ഇവരെ കണ്ടെത്തിയത്. ഇന്നലെ രാവിലെ മുതലാണ് കുട്ടികളെ കാണാതായത്. വനംവകുപ്പ് ഉദ്യാഗസ്ഥര്‍ നടത്തിയ തിരച്ചിലിലാണ് കുട്ടികളെ കണ്ടെത്തിയത്.
11,13,14 വയസ്സ് വീതം പ്രായമുള്ള ശ്രീദേവ്, അരുണ്‍, അമ്പാടി എന്നിവരെ കാണാനില്ലെന്ന് മാതാപിതാക്കള്‍ പൊലീസിന് പരാതി നല്‍കിയിരുന്നു. അരുണും ശ്രീദേവും ബന്ധുക്കളാണ്. അമ്പാടി ഇവരുടെ സമീപവാസിയാണ്. അടുത്തടുത്ത വീടുകളിലാണ് ഇവര്‍ താമസിച്ചിരുന്നത്. വീട്ടില്‍ നിന്ന് 4000 രൂപയും വസ്ത്രങ്ങളും എടുത്താണ് കുട്ടികള്‍ പോയത്. ഇവരുടെ ബാഗുകള്‍ പാലോട് വനമേഖലയോട് ചേര്‍ന്നുള്ള ഒരു ബന്ധുവീട്ടില്‍ നിന്ന് കണ്ടെത്തിയിരുന്നു. പാലോട് വനപ്രദേശത്ത് കുട്ടികളിലൊരാളെ കണ്ടു എന്ന വിവരത്തിന്റെ അടിസ്ഥാനത്തില്‍ ഇവിടെ നടത്തിയ തിരച്ചിലിന്റെ ഫലമായാണ് കുട്ടികളെ കണ്ടെത്താനായത്. ഇവരുടെ വീട്ടില്‍ നിന്ന് നാല് മീറ്റര്‍ അകലെയാണ് ഈ വനം.
മൂന്ന് പേരെയും വീട്ടില്‍ എത്തിച്ചു. വീട് വിട്ട് ഇറങ്ങിയത് എന്തിനാണെന്ന്് വ്യക്തമല്ല. ഇവരില്‍ ഒരാള്‍ മുമ്പും വീടുവിട്ടിറങ്ങിയിട്ട് ഉണ്ടെന്നും പൊലീിന് നല്‍കിയ പരാതിയില്‍ പറഞ്ഞിരുന്നു.