കേരളത്തില് പ്രതിപക്ഷത്ത് നേതാക്കള് തമ്മില് ഏകോപനമില്ലെന്ന് കെപിസിസി മുന് അദ്ധ്യക്ഷനും മുതിര്ന്ന നേതാവുമായ മുല്ലപ്പള്ളി രാമചന്ദ്രന്. എന്നാല് പ്രതിപക്ഷത്തുള്ളത് നല്ല നേതാക്കളാണെന്നും പ്രവര്ത്തനം മെച്ചപ്പെടേണ്ടതുണ്ടെന്നും അദ്ദേഹം അഭിപ്രായപ്പെട്ടു.
ഖാര്ഗെയുടെ നേതൃത്വം കോണ്ഗ്രസിന് പുതിയ ചൈതന്യം കൊണ്ടുവരും. കോണ്ഗ്രസിന്റെ ദേശീയ നേതൃ നിരയില് നിന്ന് ഗാന്ധി കുടുംബം മാറി നില്ക്കുന്നുവെന്ന തരത്തില് വിലയിരുത്തല് വരുന്നത് ശരിയല്ല.
പ്രവര്ത്തക സമിതിയിലേക്ക് താത്കാലിക പട്ടികയാണ് പുറത്തുവന്നത്. അതിനപ്പുറത്തേക്ക് ആ പട്ടികയ്ക്ക് പ്രാധാന്യം കൊടുക്കേണ്ട കാര്യമില്ല. പുതിയ ലിസ്റ്റ് വരുമ്പോള് കാര്യമായ പരിഗണന കേരളത്തിന് കിട്ടുമെന്നും അദ്ദേഹം പറഞ്ഞു.