ഏകീകൃത കുര്‍ബാനയില്‍ നിന്ന് പിന്നോട്ടില്ലെന്ന് എറണാകുളം അങ്കമാലി അതിരൂപത മെത്രാപൊലീത്തന്‍ വികാരിയായി ചുമതലയേറ്റെടുത്ത ജോസഫ് പാംപ്ലാനി. വിഷയത്തില്‍ മാര്‍പ്പാപ്പയുടെ തീരുമാനം അന്തിമമാണ്. ഒരുമിച്ചിരുന്ന് വിഷയം ചര്‍ച്ച ചെയ്യാമെന്നും സമരം അവസാനിപ്പിക്കണമെന്നും പാംപ്ലാനി പറഞ്ഞു.
അതേസമയം അതിരൂപത ആസ്ഥാനത്തെ സംഘര്‍ഷത്തില്‍ വൈദികര്‍ക്കെതിരെ നാല് കേസുകളെടുത്തു. എറണാകുളം സെന്‍ട്രല്‍ പൊലീസ് ആണ് കേസുകള്‍ രജിസ്റ്റര്‍ ചെയ്തത്. അപ്പസ്തോലിക് അഡ്മിനിസ്ട്രേറ്റര് ബിഷപ്പ് ബോസ്‌കോ പുത്തൂര്‍ രാജിവച്ചതിനെ തുടര്‍ന്നാണ് ജോസഫ് പാംപ്ലാനി ചുമതലയേറ്റത്.
സംഘര്‍ഷാവസ്ഥ നിലനില്‍ക്കുന്ന പശ്ചാത്തലത്തില്‍ പൊലീസ് സുരക്ഷയിലാണ് മേജര്‍ ആര്‍ച്ച് ബിഷപ്പ് റാഫേല്‍ തട്ടിലും ആര്‍ച്ച് ബിഷപ്പ് ജോസഫ് പാംപ്ലാനിയും ബിഷപ്പ് ഹൗസില്‍ എത്തിയത്. തന്റെ പ്രവര്‍ത്തനത്തില്‍ എന്തെങ്കിലും കുറവുണ്ടായിട്ടുണ്ടെങ്കില്‍ മാപ്പ് ചോദിക്കുന്നുവെന്ന് മുന്‍ അപ്പോസ്തലിക് അഡ്മിനിസ്ട്രേറ്റര് ബോസ്‌കോ പുത്തൂര്‍ പറഞ്ഞു.
പ്രശന്ങ്ങള്‍ അവസാനിപ്പിക്കുന്നത് തന്റെ ഉത്തരവാദിത്തമാണെന്ന് മേജര്‍ ആര്‍ച്ച് ബിഷപ്പ് റാഫേല്‍ തട്ടില്‍ പറഞ്ഞു. പ്രശ്ന പരിഹാരത്തിനുള്ള സമവായ ചര്‍ച്ച ജില്ലാ കളക്ടറുടെ അധ്യക്ഷതയില്‍ വൈകിട്ട് നടക്കും. മേജര്‍ ആര്‍ച്ച് ബിഷപ്പ് റാഫേല്‍ തട്ടിലും ആര്‍ച്ച് ബിഷപ്പ് ജോസഫ് പാംപ്ലാനിയും സമവായ ചര്‍ച്ചയില്‍ പങ്കെടുത്തേക്കും.
