മുഖ്യമന്ത്രി പിണറായി വിജയന്റെ മകള്ക്കെതിരായ ആരോപണങ്ങളില് അദ്ദേഹം ഇതുവരെ മറുപടി നല്കിയിട്ടില്ലെന്ന് മാത്യു കുഴല്നാടന് എംഎല്എ. രണ്ട് ദിവസത്തെ ചര്ച്ചകളും വാഗ്വാദങ്ങളും കെട്ടടങ്ങുമ്പോഴും ഈ ചോദ്യങ്ങള് ബാക്കിയാണ്. താന് പറഞ്ഞതില് ഏതാണ് പച്ചക്കള്ളം, ഏതാണ് അസംബന്ധമെന്നും അദ്ദേഹം ഫെയ്സ്ബുക്കില് കുറിച്ചു.
അടിയന്തര പ്രമേയത്തിലെ ചര്ച്ചയുടെ വീഡിയോ പങ്കുവച്ചു കൊണ്ടാണ് മാത്യു കുഴല്നാടന്റെ കുറിപ്പ്. വീണയുടെ സ്ഥാപനത്തിന്റെ വെബ് സൈറ്റില് നിന്നും എന്ത് കൊണ്ട് PWC ഡയറക്ടറുടെ പേര് ഒഴിവാക്കിയെന്നും യുഎഇ സന്ദര്ശനതിനിടെ വിട്ടു പോയ ബാഗേജ് എന്ത് കൊണ്ട് നയ തന്ത്ര ചാനല് വഴി എത്തിച്ചുവെന്നും മുഖ്യമന്ത്രി മറുപടി പറയണമെന്നും മാത്യു കുഴല്നാടന് ആവശ്യപ്പെട്ടു.
ഫെയ്സ്ബുക്ക് കുറിപ്പിന്റെ പൂര്ണരൂപം:
തുടക്കം ഇവിടെ നിന്നാണ്, രണ്ട് ദിവസത്തെ ചര്ച്ചകളും വാഗ്വാദങ്ങളും കെട്ടടങ്ങുമ്പോഴും ഈ ചോദ്യങ്ങള് ബാക്കിയാണ്. മുഖ്യമന്ത്രി ഇതുവരെ ഇതിനൊന്നിനും ഉത്തരം നല്കിയിട്ടില്ല…. ശുദ്ധ അസംബന്ധവും പച്ചക്കള്ളവുമാണെന്നാണ് മുഖ്യമന്ത്രി പറഞ്ഞത്. മുഖ്യമന്ത്രി മറുപടി പറയാത്ത പക്ഷം ഞാന് ഈ ചോദ്യങ്ങള് പൊതു സമൂഹത്തിന് മുന്പില് വയ്ക്കുകയാണ്… ഇതില് ഏതാണ് പച്ചക്കള്ളം.?. ഏതാണ് അസംബന്ധം?