കനത്തമഴയില്‍ സംസ്ഥാനത്തെ പലമേഖലകളും വെള്ളത്തിനടിയിലാണ്. കോട്ടയം കൂട്ടിക്കലിലടക്കം പലയിടങ്ങളിലും ഉരുള്‍പൊട്ടലും ഉണ്ടായിട്ടുണ്ട്. കനത്ത മഴ തുടരുന്ന കോട്ടയത്ത് മുന്‍എംഎല്‍എയും ജനപക്ഷം നേതാവുമായ പി സി ജോര്‍ജിന്റെ വീടും വെള്ളത്തില്‍ മുങ്ങി.
പി സി ജോര്‍ജ്ജിന്റെ മകന്‍ ഷോണ്‍ ജോര്‍ജാണ് അരയാള്‍പൊക്കത്തില്‍ വെള്ളത്തില്‍ മുങ്ങിക്കിടക്കുന്ന വീഡിയോ പങ്കുവെച്ചത്. തന്റെ ജീവിതത്തില്‍ ഇത്രയും വലിയ വെള്ളം കയറിയിട്ടില്ലെന്നായിരുന്നു പി സി ജോര്‍ജിന്റെ പ്രതികരണം.
വീടിനകത്തും വെള്ളം കയറി. ഈരാറ്റുപേട്ടയില്‍ ഇത്തരമൊരു സംഭവം തന്റെ ജീവിതത്തില്‍ ഇതാദ്യമാണ്. ജനങ്ങള്‍ സ്വമേധയാ രക്ഷാ പ്രവര്‍ത്തനത്തിന് ഇറങ്ങുന്നുണ്ടെന്നും ജനങ്ങള്‍ ജാഗ്രത പാലിക്കണമെന്നും പി സി ജോര്‍ജ് പറഞ്ഞു.
