നിയമസഭ കയ്യാങ്കളി കേസ് പിന്വലിക്കണമെന്ന് ആവശ്യപ്പെട്ട് സംസ്ഥാന സര്ക്കാര് സുപ്രീംകോടതിയെ സമീപിച്ചു. കേസ് പിന്വലിക്കാനുള്ള തീരുമാനം നേരത്തെ ഹൈക്കോടതി റദ്ദാക്കിയിരുന്നു. ഇതിനെതിരെയാണ് സംസ്ഥാന സര്ക്കാര് സുപ്രീംകോടതിയില് അപ്പീല് നല്കിയത്. സംസ്ഥാന സര്ക്കാരിനു വേണ്ടി സ്റ്റാന്ഡിംഗ് കോണ്സല് ജി. പ്രകാശ് ആണ് ഹര്ജി സമര്പ്പിച്ചത്. ബാഹ്യ ഇടപെടലുകള് ഇല്ലാതെ ഉത്തമവിശ്വാസത്തോടെയാണ് കേസ് പിന്വലിക്കാന് പബ്ലിക് പ്രോസിക്യൂട്ടര് തീരുമാനിച്ചതെന്ന് കേരളം ഹര്ജിയില് വിശദീകരിച്ചിട്ടുണ്ട്.
സ്പീക്കറുടെ അനുമതി ഇല്ലാതെ നിയമസഭ സെക്രട്ടറി നല്കിയ കേസ് നിലനില്ക്കില്ല എന്നാണ് സര്ക്കാര് വാദം. പുറത്ത് നിന്നുള്ള ഇടപെടലുകള് ഇല്ലാതെയാണ് പബ്ലിക് പ്രോസിക്യൂട്ടര് കേസ് പിന്വലിക്കാന് തീരുമാനിച്ചതെന്നും ഇതില് ഇടപെടാന് ഹൈകോടതിക്ക് അധികാരം ഇല്ലെന്നും സര്ക്കാര് ഹര്ജിയില് വിശദീകരിച്ചിട്ടുണ്ട്.
ക്രിമിനല് നടപടി ചട്ടത്തിലെ 321-ാം വകുപ്പ് പ്രകാരം കേസ് പിന്വലിക്കാനുള്ള തീരുമാനം എടുക്കേണ്ടത് പബ്ലിക് പ്രോസിക്യൂട്ടര് ആണെന്നും കേരളം അപ്പീലില് വ്യക്തമാക്കിയിട്ടുണ്ട്. വി. ശിവന്കുട്ടി, കെ.ടി. ജലീല്, ഇ.പി. ജയരാജന്, കുഞ്ഞഹമ്മദ് മാസ്റ്റര്, സി.കെ. സദാശിവന്, കെ. അജിത് എന്നിവര് നിയമസഭാ കയ്യാങ്കളിക്കേസില് വിചാരണ നേരിടണമെന്ന ഹൈക്കോടതി ഉത്തരവിന് എതിരെയാണ് കേരളം സുപ്രീം കോടതിയെ