തമിഴ്നാട് മുഖ്യമന്ത്രി സ്റ്റാലിന്റെ ഭാര്യ ദുര്ഗ ഗുരുവായൂരപ്പന് സ്വര്ണ്ണ കിരീടം സമര്പ്പിച്ചു. ഇതിനായി കാല് കിലോ തൂക്കമുള്ള സ്വര്ണക്കിരീടം ഇന്നലെ ക്ഷേത്ര ഗോപുരത്തില് എത്തിച്ചിരുന്നു. കിരീടത്തിന്റെ സമര്പ്പണം ഇന്ന് രാവിലെ 11ന് നടന്നു. ചടങ്ങില് സ്റ്റാലിന്റെ ഭാര്യ ദുര്ഗ സ്റ്റാലിന് പങ്കെടുത്തു. 32 പവനോളമാണ് കിരീടത്തിന്റെ തൂക്കം. ഏകദേശം 14 ലക്ഷം രൂപവില വരും ഇതിന്.
കോയമ്പത്തൂരിലുള്ള വ്യവസായിയുടെ സഹായത്തോടെയാണ് ദുര്ഗ സ്വര്ണകിരീടം സമര്പ്പിച്ചത്. കിരീടത്തിനുള്ള അളവും മറ്റും ക്ഷേത്രത്തില്നിന്ന് നേരത്തെ വാങ്ങിയിരുന്നു. ക്ഷേത്രത്തില് അരച്ച് ബാക്കി വന്ന തേയ ചന്ദന മുട്ടികള് അരയ്ക്കുന്നതിന് പ്രത്യേകം നിര്മിച്ച മെഷീനും ദുര്ഗ സ്റ്റാലിന് ക്ഷേത്രത്തിന് സമര്പ്പിച്ചു. ദീര്ഘനാളായുള്ള വഴിപാടാണ് ഇതെന്ന ദുര്ഗ സ്റ്റാലിന് പറഞ്ഞു.
ഇന്ന് രാവിലെ ഗുരുവായൂരിലെത്തിയ ദുര്ഗ സ്റ്റാലിന് ഉച്ചയോടെയാണ് ക്ഷേത്രത്തില് ദര്ശനം നടത്തിയത്.