പത്തനംതിട്ട ജില്ലയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്ക് നാളെ (ചൊവ്വ) അവധി പ്രഖ്യാപിച്ചു. സര്വകലാശാല പരീക്ഷകള്ക്ക് മാറ്റമില്ല.
പത്തനംതിട്ട ജില്ലയില് ഇന്നലെ രാത്രി മുതല് തുടങ്ങിയ അപ്രതീക്ഷിതമായ കനത്തമഴയെ തുടര്ന്ന് ചില പ്രദേശങ്ങളില് വെള്ളപ്പൊക്കം അനുഭവപ്പെട്ടു.
സംസ്ഥാനത്ത് മൂന്നു ജില്ലകളില് അതിശക്തമായ മഴയ്ക്ക് സാധ്യതയെന്നു കാലാവസ്ഥാ വകുപ്പ് അറിയിച്ചു. കോട്ടയം, പത്തനംതിട്ട, ഇടുക്കി ജില്ലകളില് ഓറഞ്ച് അലര്ട്ട് പ്രഖ്യാപിച്ചു.
തിരുവനന്തപുരം ഒഴികെ മറ്റ് ജില്ലകളില് യെല്ലോ അലര്ട്ടുണ്ട്. അഞ്ചു ദിവസം മഴ തുടരുമെന്നാണ് കാലാവസ്ഥാ പ്രവചനം. മുന്നറിയിപ്പില്ലാത്ത കനത്തമഴയുടെ സാഹചര്യത്തില് സംസ്ഥാനത്ത് ദേശീയദുരന്ത നിവാരണസേനയുടെ കൂടുതല് ടീമുകളെ വിന്യസിക്കും.