മുന് മന്ത്രി സജി ചെറിയാന് എംഎല്എയുടെ ഭരണഘടനാ വിരുദ്ധ പ്രസംഗക്കേസില് സിപിഎം മല്ലപ്പള്ളി ഏരിയാ സെക്രട്ടറി അടക്കം പത്ത് പേരുടെ മൊഴിയെടുത്തു. വിവാദ പ്രസംഗത്തിന്റെ മുഴുവന് സമയ വീഡിയോ സൂക്ഷിച്ചിട്ടില്ലെന്നാണ് സംഘാടകരുടെ മൊഴി.
ദൃശ്യങ്ങള് പകര്ത്തിയ വീഡിയോഗ്രാഫറുടെ മൊഴിയെടുത്തെങ്കിലും റെക്കോര്ഡ് ചെയ്ത വീഡിയോ താന് സൂക്ഷിച്ചിട്ടില്ലെന്നായിരുന്നു നല്കിയ മറുപടി. അതേസമയം ഫെയ്സ്ബുക്ക് അക്കൗണ്ടില് പങ്കുവെച്ചിരുന്ന വീഡിയോ പ്രസംഗം വിവാദമായതോടെ ഡിലീറ്റ് ചെയ്തിരുന്നു. ഈ വീഡിയോ വീണ്ടെടുക്കാന് പൊലീസ് സൈബര് ഫോറന്സിക് വിഭാഗത്തെ സമീപിക്കും.
മല്ലപ്പള്ളി ഏരിയ സെക്രട്ടറിയും സംഘാടക സമിതി ചെയര്മാനുമായ ബിനു വര്ഗീസ്, കണ്വീനര് കെ. രമേശ് ചന്ദ്രന് തുടങ്ങിയവരുടെ മൊഴിയാണ് പൊലീസ് രേഖപ്പെടുത്തിയത്. 20 പേര്ക്കാണ് ഇന്ന് ഹാജാരാകാനായി നോട്ടീസ് നല്കിയത്. കുറച്ചുപേര് അസൗകര്യം അറിയച്ചതിനാല് അവരുടെ മൊഴി പിന്നീട് രേഖപ്പെടുത്തും.