ജയിലില് നിരാഹാരം കിടന്ന മാവോയിസ്റ്റ് രൂപേഷിനെ ആരോഗ്യനില വഷളായതോടെ ആശുപത്രിയിലേക്ക് മാറ്റി. വിയ്യൂര് സെന്ട്രല് ജയിലില് നിരാഹാരം തുടരുന്നതിനിടെയാണ് രൂപേഷിന്റെ ആരോഗ്യനില വഷളായത്. ഇതേ തുടര്ന്ന് രൂപേഷിനെ ജയില് അധികൃതര് തൃശ്ശൂര് മെഡിക്കല് കോളേജ് ആശുപത്രിയിലേക്ക് മാറ്റി.
രൂപേഷ് എഴുതിയ നോവലിന് ജയില് വകുപ്പ് പ്രസിദ്ധീകരണാനുമതി നിഷേധിച്ചതോടെയാണ് നിരാഹാരം തുടങ്ങിയത്. കഴിഞ്ഞ ആഴ്ച ആരംഭിച്ച നിരാഹാര സമരം ആറ് ദിവസം പിന്നിട്ടിരുന്നു. ആരോഗ്യനില മോശമായതായി ജയില് ഡോക്ടര് അറിയിച്ചതിനെ തുടര്ന്നാണ് രൂപേഷിനെ ആശുപത്രിയിലേക്ക് മാറ്റിയത്. തൃശൂര് മെഡിക്കല് കോളേജ് ആശുപത്രിയില് കനത്ത പൊലീസ് സുരക്ഷയിലാണ് രൂപേഷ്.