സംസ്ഥാനത്തെ നാല് വിമാനത്താവളങ്ങളിലേയും റാപിഡ് ആര്.ടി.പി.സി.ആര് പരിശോധന നിരക്ക് കുറച്ചു. 1,200 രൂപയാക്കിയാണ് കുറച്ചത്. കഴിഞ്ഞ ദിവസം മുഖ്യമന്ത്രിയുടെ അധ്യക്ഷതയില് ചേര്ന്ന ഓണ്ലൈന് യോഗത്തിലാണ് തീരുമാനം എടുത്തത്.
നേരത്തെ 2,490 രൂപ വരെയായിരുന്നു നിരക്ക് ഈടാക്കിയിരുന്നത്. പുതിയ നിരക്ക് ഇന്ന് മുതല് പ്രാബല്യത്തില് വരും. വിമാനത്താവള അതോറിറ്റികളോട് ഇക്കാര്യം ആവശ്യപ്പെട്ടിരുന്നു. പുതിയ കോവിഡ് ടെസ്റ്റ് കിറ്റ് വരുന്നതോടെ നിരക്ക് ഇനിയും കുറഞ്ഞേക്കുമെന്നാണ് മൈക്രോ ഹെല്ത്ത് ലാബ് അധികൃതര് പറയുന്നത്.
വിമാനത്താവളത്തിലെ ഉയര്ന്ന റാപിഡ് പരിശോധന നിരക്കിനെതിരെ വ്യാപക പരാതികള് ഉണ്ടായിരുന്നു. മുഖ്യമന്ത്രിയുടെ യു.എ.ഇ സന്ദര്ശനത്തിനിടയിലും പ്രവാസി സംഘടനകള് ഇതേ ആവശ്യം ഉന്നയിച്ചിരുന്നു. നേരത്തെ വിദേശത്ത് നിന്ന് വരുന്നവര്ക്ക് ക്വാറന്റീന് ഒഴിവാക്കി പുതിയ മാര്ഗ നിര്ദ്ദേശങ്ങള് പുറത്തിറക്കിയിരുന്നു.