ഇന്ഡിഗോ വിമാനത്തിലെ മര്ദ്ദന പരാതിയില് സിപിഐഎം നേതാവ് ഇ. പി. ജയരാജനെതിരായ അന്വേഷണം എസ്ഐടിക്ക്. സിറ്റി പൊലീസ് കമ്മീഷണറുടെ തീരുമാനത്തിലാണ് എസ്ഐടി രൂപീകരിക്കുന്നത്. എസിപിയുടെ നേതൃത്വത്തിലുള്ള എസ്ഐടിയായിരിക്കും അന്വേഷണം നടത്തുക. ഇതുസംബന്ധിച്ചുള്ള ഉത്തരവ് ഉടന് പുറത്തിറങ്ങും.
മുന് മുഖ്യമന്ത്രി പിണറായി വിജയന്റെ മുന് ഗണ്മാന് അനില് കുമാറിനെതിരെയും അന്വേഷണമുണ്ടാകും. പരാതിയില് തുടരന്വേഷണം നടത്താന് ഹൈക്കോടതി ഉത്തരവിട്ടിരുന്നു. യൂത്ത് കോണ്ഗ്രസ് പ്രവര്ത്തകരാണ് പരാതി നല്കിയിരുന്നത്.
ഇന്ഡിഗോ വിമാനത്തില് യൂത്ത് കോണ്ഗ്രസ് പ്രവര്ത്തകരെ മര്ദ്ദിച്ചെന്ന കേസില് ഇ പി ജയരാജനെതിരായ കേസ് എഴുതി തള്ളാനാവില്ലന്ന് തിരുവനന്തപുരം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി വ്യക്തമാക്കിയിരുന്നു. കേസ് ഒഴിവാക്കി പൊലീസ് നല്കിയ റിപ്പോര്ട്ട് കോടതി തള്ളുകയും സംഭവം അന്വേഷിച്ച് റിപ്പോര്ട്ട് നല്കാനും കോടതി ഉത്തരവിട്ടിരുന്നു. ഇതിന്റെ പശ്ചാത്തലത്തിലാണ് എസ്ഐടിയെ നിയമിച്ചത്.