കർഷക സംഘം സംസ്ഥാന സമ്മേളനത്തിൽ കോട്ടയം ജില്ലയുടെ വിവിധ പ്രദേശങ്ങളിൽ നിന്നും നേതൃത്വത്തിൽ പ്രൈവറ്റ് ബസുകളിലാണ് ആളുകളെ കോട്ടയത്ത് എത്തിച്ചതിനെ ചോദ്യം ചെയ്ത ഷോൺ ജോർജ് രംഗത്ത്.ഇതിൽ ഒരു പ്രൈവറ്റ് ബസ്സിനു പോലും അവരവരുടെ റൂട്ട് വിട്ട് കോട്ടയത്തേയ്ക്ക് വരാൻ നിയമപരമായി അവകാശമുള്ളതല്ല എന്നും നിയമം ലംഘിച്ചുകൊണ്ടാണ് സിപിഎം പ്രവർത്തകരുമായി 90% ബസ്സുകളും ഇന്ന് കോട്ടയത്ത് എത്തിയതെന്നും നടപടി എന്താണ് സ്വീകരിക്കാത്തത് എന്നും ഷോൺ ജോർജ് ചോദിക്കുന്നു.
പ്രൈവറ്റ് ബസുകളെ നിലക്കുനിര്ത്തുമെന്നും അതുപോലെ മോട്ടോര് വാഹന നിയമങ്ങള് കര്ശനമായി നടപ്പിലാക്കുമെന്നും പറയുന്ന സര്ക്കാര് ഈ നിയമ ലംഘനത്തിതിരെ നടപടിയെടുക്കാന് തയ്യാറാകുമോ? ഷോൺ ജോർജ് സർക്കാരിനെതിരെ ആഞ്ഞടിച്ചു.
ഫെയ്സ്ബുക്ക് പോസ്റ്റ് ഇങ്ങനെ:
ഇന്ന് കോട്ടയം ടൗണിൽ മുഖ്യമന്ത്രി പ്രസംഗിക്കുകയാണ്. കർഷക സംഘം സംസ്ഥാന സമ്മേളനമാണ് വേദി. ഈ പരിപാടിയിലേക്ക് കോട്ടയം ജില്ലയുടെ വിവിധ പ്രദേശങ്ങളിൽ നിന്നും സിപിഎം നേതൃത്വത്തിൽ പ്രൈവറ്റ് ബസുകളിലാണ് ആളുകളെ കോട്ടയത്ത് എത്തിക്കുന്നത്. എന്നാൽ ഇതിൽ ഒരു പ്രൈവറ്റ് ബസ്സിനു പോലും അവരവരുടെ റൂട്ട് വിട്ട് കോട്ടയത്തേയ്ക്ക് വരാൻ നിയമപരമായി അവകാശമുള്ളതല്ല. നിയമം ലംഘിച്ചുകൊണ്ടാണ് സിപിഎം പ്രവർത്തകരുമായി 90% ബസ്സുകളും ഇന്ന് കോട്ടയത്ത് എത്തിയിട്ടുള്ളത്.
ഈ പോകുന്ന വാഹനങ്ങളിൽ ഏതെങ്കിലും ഒരു വാഹനത്തിന് അപകടം പറ്റിയാൽ പെർമിറ്റ് ലംഘിച്ച് വാഹനം ഓടിച്ചതിന് ഇൻഷുറൻസ് പോലും ലഭ്യമാകുന്ന സാഹചര്യമില്ല. പ്രൈവറ്റ് ബസുകളെ നിലക്കുനിർത്തുമെന്നും അതുപോലെ മോട്ടോർ വാഹന നിയമങ്ങൾ കർശനമായി നടപ്പിലാക്കുമെന്നും പറയുന്ന സർക്കാർ ഈ നിയമ ലംഘനത്തിതിരെ നടപടിയെടുക്കാൻ തയ്യാറാകുമോ…. പ്രസ്തുത വണ്ടികൾക്കെതിരെ നടപടി സ്വീകരിക്കാൻ ആർ.റ്റി.ഓയ്ക്ക് ചങ്കൂറ്റം ഉണ്ടോ..