ഇടുക്കി അടിമാലി വാളറയില് സിവില് പൊലീസ് ഓഫീസറെ വീടിനുള്ളില് മരിച്ച നിലയില് കണ്ടെത്തി. മറയൂര് പൊലീസ് സ്റ്റേഷനിലെ സിവില് പൊലീസ് ഓഫീസര് കെ കെ രാജീവാണ് മരിച്ചത്. കുടുംബ പ്രശ്നങ്ങളെ തുടര്ന്ന് രാജീവ് ഒറ്റയ്ക്കാണ് താമസിച്ചിരുന്നത്.
താമരശേരിയില് കാണാതായ എട്ട് വയസുകാരന്റെ മൃതദേഹം പുഴയില്
കോഴിക്കോട് താമരശേരി അണ്ടോണയില് ദുരൂഹ സാഹചര്യത്തില് കാണാതായ എട്ട് വയസുകാരന്റെ മൃതദേഹം പുഴയില് കണ്ടെത്തി. വെള്ളച്ചാലില് വീട്ടില് മുഹമ്മദ് അമീന്റെ മൃതദേഹമാണ് പുഴയില് നിന്നും ലഭിച്ചത്.
ഇന്നലെ ഉച്ചയോടെയാണ് കുട്ടിയെ കാണാതായത്. വീടിന് പുറകിലെ പുഴയില് വീണോ എന്ന സംശയത്തെ തുടര്ന്ന് പൊലീസും ഫയര് ഫോഴ്സും നാട്ടുകാരും ചേര്ന്ന് നടത്തിയ തെരച്ചിലിലാണ് മൃതദേഹം കണ്ടെടുത്തത്.
തിരുവനന്തപുരത്ത് കെഎസ്ആര്ടിസി ബസുകള് കൂട്ടിയിടിച്ചു; നിരവധി പേര്ക്ക് പരിക്ക്
മണ്ണന്തല മരുതൂരില് കെഎസ്ആര്ടിസി ബസുകള് കൂട്ടിയിടിച്ചു. ഡ്രൈവര്മാര്ക്കും നിരവധി യാത്രക്കാര്ക്കും പരിക്കേറ്റു. തിരുവനന്തപുരത്ത് നിന്ന് കോട്ടയത്തേക്ക് പോയ ബസും പുനലൂരില് നിന്നു വന്ന ബസുമാണ് കൂട്ടിയിടിച്ചത്. പരിക്കേറ്റവരെ ആശുപത്രിയില് പ്രവേശിപ്പിച്ചു.