ശുഭ പ്രതീക്ഷയോടെ ആത്മവിശ്വാസത്തോടെ മുന്നോട്ട് പോകാനാണ് പുതുപ്പള്ളിയിലെ ജനം ആവശ്യപ്പെടുന്നതെന്ന് ഇടത് സ്ഥാനാര്ത്ഥി ജെയ്ക് സി തോമസ്. ഫലം വരാന് മിനിറ്റുകളേ ബാക്കിയുള്ളു. ഇന്നിനി അവകാശവാദങ്ങള്ക്ക് പ്രസക്തിയില്ല. ആത്മവിശ്വാസത്തോടെ മുന്നോട്ട് പോകാനാണ് പുതുപ്പള്ളിയിലെ വോട്ടര്മാര് പറയുന്നത്. ഇടതുപക്ഷ മുന്നണിയുടെ എല്ലാ ഘടകകക്ഷികളും ഐക്യത്തോടെയാണ് പുതുപ്പള്ളി തിരഞ്ഞെടുപ്പിനെ അഭിസംബോധന ചെയ്തതെന്നും ജെയ്ക്ക് മാധ്യമങ്ങളോട് പ്രതികരിച്ചു.
പുതുപ്പള്ളിയില് ചാണ്ടി ഉമ്മന് റെക്കോര്ഡ് ഭൂരിപക്ഷം ലഭിക്കുന്ന് തിരുവഞ്ചൂര് രാധാകൃഷ്ണന് പറഞ്ഞു. വരുന്ന 11ന് കേരള നിയമസഭയില് നടക്കാന് പോകുന്നത് ചാണ്ടി ഉമ്മന്റെ സത്യപ്രതിജ്ഞയാകും. പോളിംഗ് ദിനത്തില് കണ്ട സ്ത്രീകള് ഉള്പ്പെടെയുള്ള വോട്ടര്മാരുടെ ഒഴുക്ക് സര്ക്കാര് വിരുദ്ധ വികാരത്തിന്റെ പ്രതിഫലനമാണെന്നും തിരവഞ്ചൂര് പറഞ്ഞു.
അതേസമയം പുതുപ്പള്ളി ഉപതിരഞ്ഞെടുപ്പിന്റെ വോട്ടെണ്ണല് തുടങ്ങി. ആദ്യം എണ്ണുന്നത് പോസ്റ്റല് വോട്ടുകളാണ്. പറഞ്ഞിരുന്നതിലും വൈകിയാണ് വോട്ടെണ്ണല് തുടങ്ങിയത്. സ്ട്രോങ് റൂമുകളുടെ താക്കോലുകള് മാറിയതിനാലാണ് നടപടി ക്രമങ്ങള് വൈകിയത്.
കോട്ടയം ബസേലിയസ് കോളജിലാണ് വോട്ടെടുപ്പ്. ആദ്യ ഫലസൂചന ഒന്പതോടെ ലഭിക്കും. ആദ്യം പോസ്റ്റല് വോട്ടുകളാണ് എണ്ണുന്നത്. പിന്നാലെ എട്ടരയോടെ ഇലക്ട്രോണിക് വോട്ടിങ് യന്ത്രത്തിലെ വോട്ടുകള് എണ്ണിത്തുടങ്ങും. പത്തോടെ ഫലം അറിയാമെന്നാണു കരുതുന്നത്. 7 സ്ഥാനാര്ഥികളാണ് മത്സരരംഗത്തുള്ളത്. 72.86% പേര് വോട്ട് ചെയ്തെന്ന് ഔദ്യോഗിക കണക്ക്.