എന്സിപി സംസ്ഥാന പ്രസിഡന്റായി പി സി ചാക്കോ തുടരും. ഇന്ന് ചേര്ന്ന നേതൃയോഗത്തിലാണ് തീരുമാനം. സംസ്ഥാന അധ്യക്ഷനായി പി.സി.ചാക്കോയുടെ പേര് മന്ത്രി എ.കെ.ശശീന്ദ്രനാണ് നിര്ദേശിച്ചത്. തോമസ് കെ തോമസ് പിന്താങ്ങുകയും ചെയ്തു.
പി.സി.ചാക്കോയെ പ്രസിഡന്റാക്കാന് എ.കെ.ശശീന്ദ്രന് – തോമസ് കെ തോമസ് വിഭാഗങ്ങള് നേരത്തെ സമവായത്തിലെത്തിയിരുന്നു.അതേസമയം, തെരഞ്ഞെടുപ്പ് നടപടികളില് പ്രതിഷേധിച്ച് മുന് ദേശീയ നേതാവ് ഇറങ്ങി പോയി.
മത്സരത്തിന് നോമിനേഷന് നല്കിയ മലപ്പുറത്ത് നിന്നുള്ള നേതാവ് എന്.എ.മുഹമ്മദ് കുട്ടിയാണ് ഇറങ്ങി പോയത്.
ജനാധിപത്യ രീതിയിലല്ല തെരഞ്ഞെടുപ്പ് നടന്നതെന്നും മുഹമ്മദ് കുട്ടി ആരോപിച്ചു. സംസ്ഥാനത്തെ എന്സിപി നേതൃത്വത്തില് മാറ്റമുണ്ടാകില്ലെന്ന് മുതിര്ന്ന നേതാവ് പീതാംബരന് മാസ്റ്റര് നേരത്തെ വ്യക്തമാക്കിയിരുന്നു. വരാനിരിക്കുന്ന മന്ത്രിസഭാ പുനസംഘടനയില് എന്സിപിയുടെ മന്ത്രിമാരില്ലെന്നും വ്യക്തമാക്കി.