മുസ്ലിം ലീഗിന് കോണ്‍ഗ്രസ് ബാധ്യതയായി മാറിയെന്ന് മന്ത്രി പി രാജീവ്. ഇസ്രയേലുമായുള്ള ബന്ധം ഇന്ത്യ ശക്തിപ്പെടുത്തുന്നത് കോണ്‍ഗ്രസ് ഭരണകാലത്താണ്. റഷ്യ കഴിഞ്ഞാല്‍ ഏറ്റവും കൂടുതല്‍ ആയുധം ഇസ്രയേലില്‍നിന്ന് വാങ്ങിയതും അക്കാലത്താണ്. അണികളുടെയും നേതൃത്വത്തിന്റെയും വികാരത്തിനൊപ്പം നില്‍ക്കുന്നതിനാലാണ് മുസ്ലിം ലീഗിന് കോണ്‍ഗ്രസ് ബാധ്യതയായതെന്നും മന്ത്രി രാജീവ്.
ഇസ്രയേലിനെതിരെ നിലപാട് സ്വീകരിക്കാന്‍ ഈ ചരിത്രം ഇപ്പോഴും കോണ്‍ഗ്രസിനെ അനുവദിക്കുന്നില്ല. ഇതാണ് യുഡിഎഫിനോടൊപ്പം നില്‍ക്കുന്ന ലീഗിന്റെ സാങ്കേതിക പ്രശ്‌നം. ബില്ലുകള്‍ വൈകിപ്പിക്കുക എന്നത് നാടിനോടും ജനാധിപത്യസംവിധാനത്തോടും ചെയ്യുന്ന നീതിപൂര്‍വമല്ലാത്ത പ്രവര്‍ത്തനമാണ്. അതുകൊണ്ടാണ് സര്‍ക്കാര്‍ കോടതിയെ സമീപിച്ചതെന്നും അദേഹം പറഞ്ഞു.