ലൈംഗികാതിക്രമ ആരോപണത്തെ തുടര്ന്ന് കോഴിക്കോട് സ്വദേശിയായ ദീപക് ജീവനൊടുക്കിയതില് പ്രതികരണവുമായി ബസ് ജീവനക്കാർ. സംഭവ ദിവസം ആരും പരാതി പറഞ്ഞിട്ടില്ലെന്ന് ബസിലെ ജീവനക്കാര്. പരാതി പറഞ്ഞിരുന്നുവെങ്കിൽ പൊലീസില് അറിയിക്കുമായിരുന്നുവെന്നും ബസ് ജീവനക്കാർ വ്യക്തമാക്കി.
വീഡിയോ കണ്ടപ്പോഴാണ് തങ്ങളുടെ ബസ് ആണെന്ന് തിരിച്ചറിഞ്ഞത്. സിസിടിവി ദൃശ്യങ്ങളില് വ്യക്തമായൊന്നും കാണാന് കഴിഞ്ഞില്ല. ദൃശ്യങ്ങള് പൊലീസിന് കൈമാറിയിട്ടുണ്ടെന്നും ബസ് ജീവനക്കാര് പറഞ്ഞു.
വീഡിയോ പകർത്തിയ വടകര സ്വദേശി ഷിംജിതയ്ക്കെതിരെ പോലീസ് കേസ് രജിസ്റ്റർ ചെയ്തു. ദീപക്കിന്റെ അമ്മ നല്കിയ പരാതിയില് ആത്മഹത്യാ പ്രേരണാക്കുറ്റം ചുമത്തി ഇവര്ക്കെതിരെ പുതിയ എഫ്ഐആര് രജിസ്റ്റര് ചെയ്തിരുന്നു. മെഡിക്കൽ കോളേജ് പൊലീസ് ദീപക്കിന്റെ വീട്ടിലെത്തി മാതാപിതാക്കളുടെയും സഹോദരന്റെയും അടക്കം മൊഴി രേഖപ്പെടുത്തിയിരുന്നു.