നെടുമ്പാശ്ശേരി വിമാനത്താവളത്തലെ ബോംബ് ഭീഷണി വ്യാജം. പരിശോധനയില്‍ ബോംബ് കണ്ടെത്താനായില്ല. ഭീഷണിയുടെ സാഹചര്യത്തില്‍ തിരിച്ചുവിളിച്ച ഇന്‍ഡിഗോ വിമാനം ബെംഗളൂരുവിലേക്ക് യാത്ര തിരിച്ചു.
ഇന്ന് രാവിലെ വിമാനത്തില്‍ ബോംബ് വെച്ചതായി വിമാനത്താവളത്തില്‍ അഞ്ജാത സന്ദേശം ലഭിക്കുകയായിരുന്നു. ഇന്‍ഡിഗോ വിമാനത്തില്‍ ബോംബ് വെച്ചിട്ടുണ്ടെന്നായിരുന്നു സന്ദേശം. ഈ സമയം വിമാനം റണ്‍വേയിലേക്ക് നീങ്ങിയിരുന്നു.
ഭീഷണിയുടെ സാഹചര്യത്തില്‍ യാത്രക്കാരെയും ലഗേജും പൂര്‍ണമായി ഇറക്കി വിമാനത്തില്‍ ബോംബ് സ്‌ക്വാഡ് പരിശോധന നടത്തി. പരിശോധനയില്‍ അസ്വാഭാവികമായി ഒന്നും കണ്ടെത്താനായില്ല.
എല്ലാം സുരക്ഷിതമാണെന്ന് കണ്ടെത്തിയതോടെ യാത്ര തിരിക്കാന്‍ വിമാനത്തിന് അനുവാദം നല്‍കുകയായിരുന്നു.