നിലമ്പൂരില് വൈദ്യനെ ചങ്ങലക്കിട്ട് 14 മാസത്തോളം ക്രൂരമായി പീഢിപ്പിപ്പിച്ച് കൊലപ്പെടുത്തിയ കേസിലെ പ്രതികള് മറ്റ് രണ്ട് കൊലപാതകങ്ങളും ആസൂത്രണം ചെയ്തതായി തെളിവുകള്. ആത്മഹത്യയെന്ന തോന്നുന്ന വിധത്തില് രണ്ടുപേരെ കൊല്ലുന്നതിനെപ്പറ്റി പദ്ധതിയിട്ട് പ്രിന്റ് ചെയ്തു ഭിത്തിയില് ഒട്ടിച്ചു.
2020ല് അബുദാബിയിലാണ് കൊലപാതകങ്ങള് നടന്നതെന്ന് സൂചന. സംഘത്തലവന് ഷൈബിന് അഷറഫിന്റെ കൂട്ടാളിയായ മുക്കം സ്വദേശി ഹാരിസിനെ മറ്റൊരു സ്ത്രീയെയും കൊലപ്പെടുത്താനിട്ട പദ്ധതിയെന്നാണ് വിവരം.
ഹാരിസ് 2020ല് അബുദാബിയില്വെച്ച് കൈമുറിച്ച് ആത്മഹത്യ ചെയ്തതായി ഷൈബിന് മുമ്പ്് പറഞ്ഞിരുന്നു. കൊലപാത പദ്ധതിയെപ്പറ്റിയുള്ള വീഡിയോ ചിത്രീകരിച്ചത് പ്രതി നൗഷാദ്. വൈദ്യനെ പീഡിപ്പിക്കുന്ന ദൃശ്യങ്ങളും നൗഷാദ് തന്നെയാണ് പകര്ത്തിയിരുന്നത്.
2019 ലാണ് മൈസൂര് സ്വദേശിയായ വൈദ്യന് ഷാബാ ഷെരീഫിനെ പ്രവാസി വ്യവസായി നിലമ്പൂര് കൈപ്പഞ്ചേരി സ്വദേശി ഷൈബിന് അഷ്റഫിന്റെ നേതൃത്വത്തിലെ സംഘം നിലമ്പൂരിലേക്ക് തട്ടിക്കൊണ്ടു വന്നത്. മൈസൂരിലെ ഒരു രോഗിയെ ചികിത്സിക്കാനെന്ന പേരില് ചികിത്സാ കേന്ദ്രത്തില് നിന്ന് വൈദ്യനെ കൂട്ടിക്കൊണ്ടു വന്ന ശേഷം നിലമ്പൂരിലെത്തിക്കുകയായിരുന്നു. മൂലക്കുരു ചികിത്സക്കുള്ള ഒറ്റമൂലി മനസ്സിലാക്കി അത് വിപണനം ചെയ്യുകയായിരുന്നു മുഖ്യ പ്രതിയുടെ ലക്ഷ്യം. ഒന്നേ കാല് വര്ഷത്തോളം തടവിലിട്ട് വൈദ്യനെ പ്രതികള് ക്രൂരമായി പീഡിപ്പിച്ചു. 2020 ഒക്ടോബറില് ഇയാളെ കൊലപ്പെടുത്തി മൃതദേഹം കഷ്ണങ്ങളാക്കി പുഴയില് എറിഞ്ഞു.