കേരളത്തിന് പുറത്ത് നിന്ന് ഇവിടെയെത്തുന്ന ഐഎഎസുകാരെല്ലാം പൊട്ടന്മാരാണെന്ന് വൈദ്യുതിമന്ത്രി എംഎം മണി. സിപിഎം ഏലപ്പാറ ഏരിയ സമ്മേളനം ഉദ്ഘാടനം ചെയ്തുള്ള സംസാരത്തിലാണ് ഐഎഎസുകാരെ കളിയാക്കിയുള്ള പരാമര്ശം മന്ത്രി നടത്തിയത്.
കേരളത്തെ കുറിച്ച് അറിയാതെയാണ് ഐഎഎസ് ഉദ്യോഗസ്ഥര് പല റിപ്പോര്ട്ടുകളും തയാറാക്കാറുള്ളത്. ഇക്കാര്യത്തില് രാജമാണിക്യം അടക്കമുള്ള മറുനാട്ടിലെ ഐഎഎസ് ഉദ്യോഗസ്ഥര് പൊട്ടന്മാരാണെന്നാണ് വാഗമണ്ണില് നടന്ന സമ്മേളനത്തില് എംഎം മണി പറഞ്ഞത്. ആകാശത്തുകൂടി പറന്നു നടന്നാണ് നിവേദിത പി.ഹരന് റിപ്പോര്ട്ടു തയാറാക്കിയത്. രാജമാണിക്യം റിപ്പോര്ട്ട് മറ്റൊരു പതിപ്പാണ്. കേരളത്തേക്കുറിച്ചു മനസ്സിലാക്കാതെയാണ് ഇവരെല്ലാം റിപ്പോര്ട്ടുകള് തയ്യാറാക്കിയത്. ഇതിന്റെ പരിണിത ഫലമാണ് കര്ഷകര് അനുഭവിക്കുന്നത്.
ഹിന്ദുത്വ അജണ്ടയെ എതിര്ക്കുന്നത് സിപിഎം മാത്രമാണെന്നും അവരെ മാത്രമാണ് ബിജെപി. ആക്രമിക്കുന്നതെന്നും പറഞ്ഞ മന്ത്രി തല്ലുകൊണ്ടു മടുക്കുമ്പോള് തിരിച്ചു തല്ലിയാല് ഇടതുപക്ഷത്ത് നില്ക്കുന്നവരും കൂടെ നിന്നു കുറ്റപ്പെടുത്തുകയാണെന്നും കൂട്ടിച്ചേര്ത്തു. ഇതിന മുമ്പും ഐഎഎസ് ഉദ്യോഗസ്ഥര്ക്ക് നേരെ തുറന്ന ഭാഷയില് അഭിപ്രായ പ്രകടനവുമായി മന്ത്രി മണി രംഗത്ത് വന്നിരുന്നു. ദേവികുളം സബ് കളക്ടര് കോപ്പിയടിച്ചാണ് ജയിച്ചതെന്നതരത്തില് പ്രസ്താവന നടത്തിയിരുന്നു.